چین کے صوبہ زے جیانگ میں ’’آرٹیفیشل انٹیلی جنس + فلم ورچوئل شوٹنگ انٹیگریشن انوویشن لیبارٹری‘‘کا افتتاح

بیجنگ۔4فروری (اے پی پی):چین کے صوبہ زے جیانگ میں ’’آرٹیفیشل انٹیلی جنس + فلم ورچوئل شوٹنگ انٹیگریشن انوویشن لیبارٹری‘‘ کا افتتاح کر دیا گیا۔ سی جی ٹی این کے مطابق زے جیانگ کے علاقے دہ چھنگ میں افتتاحی تقریب میں سی پی سی سینٹرل کمیٹی کے پبلسٹی ڈیپارٹمنٹ کے نائب سربراہ اور چائنا میڈیا گروپ کے صدر شین ہائی شونگ، صوبہ زے جیانگ کے نائب گورنر لی یان ای اور سی پی سی سینٹرل کمیٹی کے پبلسٹی ڈیپارٹمنٹ کے فلم بیورو کے نائب سربراہ ماو یو سمیت متعلقہ حکام نے شرکت کی ۔

لیبارٹری زے جیانگ صوبائی فلم بیورو اور چائنا فلم سائنس اینڈ ٹیکنالوجی ریسرچ انسٹی ٹیوٹ کے اشتراک سے قائم کی گئی ہے۔ اس کا قیام قومی ثقافتی ڈیجیٹلائزیشن حکمتِ عملی پر عمل درآمد اور فلمی ٹیکنالوجی کو صنعتی ترقی سے قریب تر کرنے کی ایک عملی کاوش ہے۔اس تجربہ گاہ کے قیام سے فلمی صنعت میں مصنوعی ذہانت اور ورچوئل شوٹنگ ٹیکنالوجی کے استعمال کو فروغ ملے گا، فلمی صنعت کاری کے معیار میں بہتری آئے گی اور فلمی شعبے کی اعلیٰ معیار کی ترقی کے لیے مثبت نمونہ اور رہنما کردار ادا ہوگا۔