پاکستان اور نیوزی لینڈ اے کرکٹ ٹیموں کے درمیان پہلا ون ڈے انٹرنیشنل میچ ( اتوار کو) کھیلا جائیگا

دبئی۔ 19 اکتوبر (اے پی پی) پاکستان اے اور نیوزی لینڈ اے کرکٹ ٹیموں کے درمیان تین ایک روزہ بین الاقوامی میچوں پر مشتمل سیریز کا پہلا میچ اتوار کو دبئی میں کھیلا جائیگا۔ اس سے قبل دونوں ٹیموں کے درمیان تین ٹی ٹونٹی میچوں کی سیریز نیوزی لینڈ اے کی ٹیم نے پاکستان اے سے 2-1 سے جیت لی تھی۔ دونوں ٹیموں کے درمیان تین ون ڈے انٹرنیشنل میچوں کی سیریز کا دوسرا ون ڈے میچ 24 اکتوبر کو کھیلا جائیگا جبکہ تیسرا اور آخری ون ڈے میچ 26 اکتوبر کو کھیلا جائیگا۔ اس کے بعد دونوں ٹیموں کے درمیان پہلا چار روزہ ٹیسٹ میچ 30 اکتوبر سے 2 نومبر تک جبکہ دوسرا اور آخری چار روزہ ٹیسٹ میچ 6 سے 9 نومبر تک کھیلا جائیگا۔ تمام میچز دبئی میں کھیلے جائینگے اور تمام میچز نان آفیشل ہونگے۔

Short Link: https://urdu.app.com.pk/urdu/?p=118243