چین کے نائب وزیر خارجہ لو ژاﺅ ہوئی سے پاکستانی سفیر نغمانہ ہاشمی کی ملاقات،دوطرفہ تعلقات اور خطے کی موجودہ صورتحال پر تبادلہ خیال کیا

بیجنگ ۔ 10 اگست (اے پی پی) چین کے نائب وزیر خارجہ لو ژاﺅ ہوئی سے چین میں تعینات پاکستانی سفیر نغمانہ ہاشمی نے ملاقات کی ہے۔ اس موقع پر چین کے نائب وزیر خارجہ نے پاکستان کی نئی سفیر کو چارج سنبھالنے پر مبارکباد پیش کی۔ چین کی خارجہ امور کی وزارت سے جاری بیان کے مطابق اس موقع پر پاکستان اور چین کے دوطرفہ تعلقات اور خطے کی موجودہ صورتحال پر تبادلہ خیال کیا گیا۔ ادھر چین اور پاکستان کی خارجہ امور کی وزارتوں کے شعبہ ہائے بین الاقوامی امور کے ڈائریکٹرز نے بھی ملاقات کی ہے اور اقوام متحدہ کے امور کے حوالے سے مشاورت کی۔