چیئرمین کشمیر کمیٹی شہر یار خان آفریدی کا کورونا ریلیف ٹائیگرز فورس کی تقریب حلف برداری سے خطاب

اسلام آباد ۔ 7 جولائی (اے پی پی) کشمیر کمیٹی کے چیئرمین و وزیر مملکت برائے انسداد منشیات وسرحدی امور شہر یار خان آفریدی نے کہا ہے کہ مقبوضہ کشمیر میں ڈیموگرافک تبدیلی کا بھارتی منصوبہ کبھی کامیاب نہیں ہوگا، لداخ میں بھارتی ہزیمت مودی کی توسیع پسندانہ پالیسیوں کا نتیجہ ہے۔ ان خیالات کا اظہار انہوں نے کرونا ریلیف ٹائیگرز فورس کی تقریب حلف برداری سے خطاب کرتے ہوئے کیا۔ شہریار خان آفریدی نے کہا کہ عالمی برادری ہندوستان کو کبھی بھی مقبوضہ جموں و کشمیر میں آبادیاتی تبدیلی لانے کے اپنے منصوبے کو عملی شکل دینے کی اجازت نہیں دے گی۔راولپنڈی آرٹس کونسل میں کورونا ریلیف ٹائیگر فورس کی تقریب حلف برداری کے شرکاءسے خطاب کرتے ہوئے شہریار آفریدی نے کہا کہ بھارتی افواج نے ایک حکمت عملی کے تحت لائن آف کنٹرول (ایل او سی) کے ساتھ آزاد کشمیر کی آبادی کو نشانہ بنانا شروع کردیا ہے کیونکہ بھارتی وزیر اعظم نریندر مودی میڈیا کو فاکس لداخ میں بھارتی شکست سے ہٹانا چاہتے ہیں۔ انہوں نے کہا کہ مودی میڈیا کی کوششوں کے باوجود عالمی میڈیا لداخ میں بھارتی افواج کی ذلت آمیز شکست پر توجہ مرکوز کئے رکھے گا۔ شہریار آفریدی نے تمام بین الاقوامی فورمز پر مسئلہ کشمیر اٹھانے کے لئے وزیراعظم عمران خان کے قائدانہ کردار کی تعریف کرتے ہوئے کہا کہ پاکستان کشمیر کو اسی طرح ہر عالمی فورم پر اٹھانا جاری رکھے گا ، چاہے کچھ بھی ہوجائے، انہوں نے کہا کہ جارج فلائیڈ کے قتل پر اپنا احتجاج ریکارڈ کروانے کے لئے وبائی امراض کے دوران پورا امریکہ سڑکوں پر نکلا اور اسی طرح لوگوں کو مسئلہ کشمیر پر بھی آواز اٹھانے کی ضرورت ہے۔ انہوں نے کہا کہ ایسے حالات میں جب کہ ہندوستان نے آٹھ لاکھ کشمیریوں کو اپنے گھروں میں ڈبل لاک ڈاو¿ن میں قید کررکھا ہے، ہندوستانی افواج کشمیر میں نسل کشی اور ظلم وستم کا ایک نیا باب لکھ رہی ہیں۔ انہوں نے کہا کہ کشمیر میں شہریت کا ترمیمی قانون انسانی حقوق کی مکمل خلاف ورزی ہے۔ انہوں نے مزید کہا کہ کشمیریوں کو اپنے ہی وطن میں اقلیت میں تبدیل کرکے مودی کشمیر میں آبادیاتی تبدیلی لانے کی سازش کررہے ہیں مگر انہیں اس محاذ پر بھی شکست دینگے۔ آفریدی نے کہا کہ ٹائیگر فورس کے نوجوان رضاکاروں کو قوم کی خدمت کا موقع فراہم کیا گیا ہے اور ٹائیگر فورس پاکستان کو وبائی امراض کو شکست دینے میں مدد فراہم کرے گی۔ وزیر اعظم عمران خان کے رضاکار فورس کے آغاز کے فیصلے کی تعریف کرتے ہوئے شہریار آفریدی نے کہا کہ عثمان ڈار نے وزیراعظم عمران خان کے خیال کو عملی جامہ پہنانے میں کلیدی کردار ادا کیا ہے تاکہ رضاکاروں کو رجسٹرڈ کر کے ریکارڈ کیا جائے تاکہ قوم کو کرونا سے لڑنے میں مدد دے سکے۔ انہوں نے کہا کہ وبائی بیماری سے نمٹنے کے لئے دنیا کے سب سے ترقی یافتہ ممالک کے صحت کے نظام ناکام ہو چکے ہیں۔ انہوں نے کہا کہ جب عالمی معیشت تباہ ہورہی ہے تو پھر بھی عمران خان خان کی سیاسی بصیرت اور قیادت میں پاکستان ٹیکس فری بجٹ پاس کرنے اور معاشی نمو کو جاری رکھنے میں کامیاب رہا ہے۔انہوں نے کہا کہ وائرس کے حملوں کے باوجود ہمارے نوجوان ، مرد اور عورت دونوں کورونا وائرس کے خلاف انسانیت کی مدد کرنے کے لئے کھڑے ہونے میں کامیاب ہوچکے ہیں. انہوں نے مزید کہا کہ پاکستان تحریک انصاف کی طاقت نوجوان ہیں۔شہریار خان آفریدی نے کورونا ریلیف ٹائیگر فورس کو بھرپور سپورٹ فراہم کرنے پر ضلعی انتظامیہ کا شکریہ ادا کیا۔ انہوں نے کہا کہ ٹائیگر فورس کورونا وائرس وبائی امراض سے متعلق عوام میں آگاہی اور ضروری معلومات پیدا کرنے میں اب تک بہت کامیاب رہی ہے۔