برازیل گروپ آف 20 کے جاری کثیر جہتی اقدامات کو فروغ دینے میں مدد کرے گا

برازیلیا۔23نومبر (اے پی پی):برازیل بائیو اکانومی کو فروغ دینے بھوک، عدم مساوات اور موسمیاتی تبدیلیوں سے نمٹنے کے لیے ورکنگ گروپس قائم کرے گا اور گروپ آف 20 (جی 20)کے جاری کثیر جہتی اقدامات کو فروغ دینے میں مدد کرے گا۔

چینی خبررساں ادارے کے مطابق برازیل کے صدر لوئیز اناسیو لولا دا سلوا نے ورچوئل جی۔20 لیڈرزاجلاس کے دوران خطاب کرتے ہوئے کہا کہ یکم دسمبر کو گروپ آف 20 (جی۔20) کی صدارت سنبھالنے کے بعد برازیل کی جی۔20 صدارت کا نصب العین "ایک منصفانہ دنیا اور ایک پائیدار سیارے کی تعمیر ہوگا۔انہوں نے کہا کہ ہم ایسے ٹھوس نتائج تلاش کریں گے جو کرہ ارض کے غریب ترین اور سب سے زیادہ کمزور لوگوں کے لیے فوائد پیدا کریں۔

جی۔20 جاری کثیر جہتی اقدامات کو فروغ دینے میں مدد کرے گا۔ انہوں نے مزید کہا کہ برازیل 2025 میں موسمیاتی تبدیلی پر فریقین کی 30ویں اقوام متحدہ کی کانفرنس کی میزبانی کرے گاجس میں وہ ایک پرجوش آب و ہوا کا ایجنڈا لانے کا ارادہ رکھتا ہے جو کرہ ارض کی پائیداری اور لوگوں کے وقار کی ضمانت دیتا ہے۔