قومی سلیکشن کمیٹی نے وکٹ کیپر بیٹر حسیب اللہ خان کو انجرڈ اعظم خان کے متبادل کھلاڑی کے طور پر اسکواڈ میں شامل کر لیا

راولپنڈی۔21اپریل (اے پی پی):قومی سلیکشن کمیٹی نے وکٹ کیپر بیٹر حسیب اللہ خان کو انجرڈ اعظم خان کے متبادل کھلاڑی کے طور پر اسکواڈ میں شامل کر لیا ہے ، وہ ریزرو کھلاڑیوں میں شامل تھے ،

پی سی بی کی طرف سے جاری کردہ تفصیلات کے مطابق حسیب اللہ خان نیوزی لینڈ کے خلاف جاری ٹی 20 سیریز کے آخری دو میچوں کے لیے دستیاب ہوں گے ، 21 سالہ حسیب اللہ نے رواں سال کے شروع میں نیوزی لینڈ کے خلاف ٹی 20 ڈیبیو کیا تھا ، پاکستان اور نیوزی لینڈ کے درمیان سیریز کا چوتھا ٹی 20 میچ 25 اپریل جبکہ پانچواں اور آخری میچ 27 اپریل کو کھیلا جائے گا ۔