تحریک انصاف دوہرا معیار ترک کر دے، لوگ اسے چھوڑ رہے ہیں،آئندہ کی سیاست میں اس کا کوئی مستقبل نہیں،پارلیمانی سیکرٹری اطلاعات و نشریات محسن شاہنواز رانجھا

اسلام آباد ۔ 27 مارچ (اے پی پی) پارلیمانی سیکرٹری اطلاعات و نشریات محسن شاہنواز رانجھا نے پاکستان تحریک انصاف سے کہا ہے کہ وہ قومی مفاد کیلئے کام کرے۔ پیر کو ایک انٹرویو میں انہوں نے کہا کہ پی ٹی آئی کو دوہرا معیار ترک کر دینا چاہیے، لوگ اب پی ٹی آئی کو چھوڑ رہے ہیں کیونکہ آئندہ کی سیاست میں اس کا کوئی مستقبل نہیں ہے۔ انہوں نے کہا کہ تحریک انصاف اور پیپلز پارٹی سمیت کوئی بھی جماعت پنجاب میں مسلم لیگ (ن) کا مقابلہ نہیں کر سکتی۔ انہوں نے کہا کہ ملک کے دورے کرنا اور عوام سے ملنا آصف زرداری کا جمہوری حق ہے، حزب اختلاف کو ایشوز پر سیاست کرنی چاہیے اور غیر ضروری معاملات میں الجھنے سے گریز کرنا چاہیے۔

Short Link: https://urdu.app.com.pk/urdu/?p=48113