وزیراعظم محمد نواز شریف کے اعلان کردہ ترقیاتی منصوبے عوام کی بہتر ی کے لیے معاون ثابت ہونگے ۔ مسلم لیگ (ن) کی سینیٹر ڈاکٹر راحیلہ مگسی کی ٹی وی چینل سے گفتگو
اسلام آباد ۔ 28 مارچ (اے پی پی) پاکستان مسلم لیگ (ن) کی سینیٹر ڈاکٹر راحیلہ مگسی نے وزیراعظم محمد نواز شریف کے حیدرآباد کے لیے اعلان کردہ ترقیاتی منصوبوں کو سراہتے ہوئے ان منصوبوں کو علاقے کے عوام کے معیار زندگی کو بہتر بنانے کے لیے معاون قرار دیا ہے۔ گزشتہ روز ایک ٹی وی چینل سے بات چیت کرتے ہوئے انہوں نے کہا کہ حیدرآباد کے تمام طبقہ جات سے تعلق رکھنے والے لوگ وزیراعظم محمد نواز شریف کے یہاں کے عوام کی فلاح و بہبود پر خصوصی توجہ دینے کو بہت زیادہ سراہ رہے اور وزیراعظم کی حیدرآباد آمد پر لوگوں نے انہیں بھرپور انداز میں خوش آمدید بھی کہا۔ انہوں نے کہا کہ وزیراعظم محمد نواز شریف کی جانب سے حیدرآباد کے لوگوں کے لیے یونیورسٹی سمیت بین الاقوامی ائیرپورٹ، بجلی و سوئی گیس کی فراہمی اور دیگر ترقیاتی منصوبوں کا اعلان یہاں کے لوگوں کے معیار زندگی کو بہتر بنائے گا اور یہاں کے عوام ان بنیادی سہولیات سے مستفید ہو ں گے۔
Short Link: https://urdu.app.com.pk/urdu/?p=48228
