امریکا، ڈیموکریٹک کنونشن کے آغاز سے قبل فلسطینی حامیوں کا احتجاج

نیویارک ۔20اگست (اے پی پی):فلسطینیوں کے حامی دسیوں ہزار مظاہرین ڈیموکریٹک پارٹی نیشنل کنونشن کے صدر دفتر کے سامنے جمع ہوگئے ہیں تاکہ غزہ پر جنگ میں اسرائیل کی حمایت میں امریکی انتظامیہ کے موقف کی مذمت کی جا سکے۔العربیہ کے مطابق ڈیموکریٹک نیشنل کنونشن مارچ اتحاد کے زیر اہتمام ایک میل کا مارچ امریکی صدر جو بائیڈن کی تقریر سے چند گھنٹے قبل کنونشن کے صدر دفتر کے سامنے ایک پارک میں شروع کرنے کا منصوبہ بنایا گیا ہے۔

کانفرنس کے دوران مندوبین نائب صدر کملا ہیرس کو اپنے صدارتی امیدوار کے طور پر منتخب کرنے کا اعلان کریں گے۔ ڈیموکریٹک پارٹی نیشنل کنونشن مارچ کولیشن میں 200 سے زیادہ گروپ شامل ہیں۔ کولیشن کے ترجمان حاتم ابو دیہ نے کہا کہ منتظمین آج حکام کے ساتھ مارچ کے روٹ کو بڑھانے کے بارے میں بات چیت اس وقت تک جاری رکھیں گے جب تک تمام مظاہرین شریک نہ ہوجائیں۔منتظمین نے گزشتہ ہفتے بتایا تھا کہ اس مارچ میں الینوائے اور پڑوسی ریاستوں میں فلسطینی اور عرب کمیونٹی کے بہت سے ارکان شرکت کر رہے ہیں۔ اتحاد میں تولیدی حقوق اور نسلی انصاف جیسے مسائل کی وکالت کرنے والے گروہ بھی شامل ہیں۔