فیڈرل فٹ بال لیگ میں اسلام آباد کلب اور پونا کلب کی ٹیموں کے درمیان میچ 2-2 گول سے برابر رہا

اسلام آباد۔21اگست (اے پی پی):فیڈرل فٹ بال کلب کے زیر اہتمام جاری فیڈرل فٹ بال لیگ میں اسلام آباد کلب اور پونا کلب کی ٹیموں کے درمیان میچ 2-2 گول سے برابر رہا۔ گزشتہ روز جی سیون فور فٹ بال گراؤنڈ میں جاری ٹورنامنٹ کا ایک اہم میچ پونا کلب اور اسلام آباد کلب کی ٹیموں کے درمیان کھیلا گیا جو کہ 2-2 گول سے برابر رہا۔ وقفے تک پونا کلب کو اسلام آباد کلب کے خلاف ایک گول کی برتری حاصل تھی۔ دوسرے ہاف میں اسلام آباد کلب دو گول اور ہونا کلب نے مزید ایک گول کیا۔

اسی طرح مقررہ وقت تک میچ 2-2گول سے برابر رہا۔ پونا کلب کی جانب سے دونوں گول بلاول نے کئے جبکہ اسلام آباد کلب کی جانب سے کومل مقبول اور مبشر علی نے ایک، ایک گول کیا۔(آج) جمعرات کو ینگ بوائز کلب اور غوری کلب کی ٹیموں کے درمیان کھیلا جائے گا۔ میچ کمشنر کے فرائض حاجی محمد افضل اور ریفری کے چمن خان نے انجام دیئے۔فیڈرل فٹ بال کلب کے صدر و آرگنائزنگ سیکرٹری ولید خان نیازی نے بتایا کہ لیگ میں 32 ٹیمیں حصہ لے رہی ہیں جن کو آٹھ گروپوں میں تقسیم کیا گیا ہے اور ہر گروپ سے دو، دو ٹیمیں پری کوارٹر فائنل کے لئے کوالیفائی کریں گی جو کہ ناک آؤٹ سسٹم پر کھیلا جائے گا۔ اور لیگ دو ماہ تک جاری رہے گی۔