سعود شکیل نے بنگلہ دیش کےخلاف پہلے کرکٹ ٹیسٹ میں کیریئر کی تیسری سنچری بنا ڈالی

اسلام آباد۔22اگست (اے پی پی):پاکستان کرکٹ ٹیم کے مایہ ناز مڈل آرڈر بلے باز سعود شکیل نے بنگلہ دیش کے خلاف شاندار بیٹنگ کا مظاہرہ کرتے ہوئے ٹیسٹ کیریئر کی تیسری سنچری جڑ دی۔

جمعرات کو راولپنڈی کرکٹ سٹیڈیم میں کھیلے جارہے دو میچوں کی سیریز کے پہلے ٹیسٹ میچ میں پاکستان ٹیم کے مایہ ناز بلے باز سعود شکیل نے پہلی اننگز میں بنگلہ دیشی بائولر ز کی خوب دھلائی کرتے ہوئے وکٹ کیپر بلے باز محمد رضوان کے ساتھ ملکر نہ صرف پانچویں وکٹ پر 240رنز کی شراکت داری قائم کی بلکہ اپنے ٹیسٹ کیریئر کی تیسری سنچری سکور کرتے ہوئے اپنی ٹیم کی میچ میں پوزیشن مستحکم بنادی ۔

سعود شکیل نے 261گیندوں کا سامنا کرتے ہوئے9خوبصورت چوکوں کی مدد سے انفرادی 141رنز بنائے۔ یہ سعود شکیل کے ٹیسٹ کیریئر کی تیسری سنچری ہے۔ سعود شکیل کو 141کے انفرادی سکور مہدی حسن مرزا نے لٹن داس کے ہاتھوں کیچ آئوٹ کیا