فیصل آباد۔ 01 اکتوبر (اے پی پی):محکمہ زاعت نے کاشتکاروں کو سبزیوں کی کاشت سے قبل گوبر کی گلی سڑی کھاد کھیتوں میں ڈالنے کی ہدایت کی ہے۔ ڈپٹی ڈائریکٹر محکمہ زراعت توسیع فیصل آبادعدیل احمدنے کہا کہ
سبزیوں کی منافع بخش کاشت میں دیسی کھادیں انتہائی اہمیت کی حامل ہیں لہٰذا کاشتکار سبزیوں کی کاشت سے قبل گوبر کی گلی سڑی کھاد کھیتوں میں ضرور ڈالیں تاکہ زمین کو ذرخیز بنانے میں مدد مل سکے نیز زمین کے کیمیائی تجزیے کے بعد کھیتوں میں اجزائے صغیرہ اور کبیرہ کی صحیح مقدار ماہرین زراعت یا محکمہ زراعت کے عملہ کی مشاورت استعمال کی جائے تاکہ کاشتکاروں کو بہتر پیداوار حاصل کرنے میں مدد ملے۔انہوں کہا کہ سبزیوں کی کاشت کے لئے چونکہ عام فصلوں کی نسبت زیادہ پانی کی ضرورت ہوتی ہے اس لئے زمین کا انتخاب کرتے وقت ایسی زمین کا چناؤ کیا جائے جس میں پانی جذب کرنے کی زیادہ صلاحیت موجود ہو۔انہوں نے کہاکہ کاشتکار زمین کی تیاری پر بھر پور توجہ دیں اور اسے نرم و ہموار کرنے کے بعد اس میں اچھا معیاری نسل کا صاف ، جڑی بوٹیوں سے پاک بہترین روئیدگی کا حامل بیج درست شرح میں استعمال کریں تاکہ بروقت اور بہتر پیداوار حاصل ہو سکے۔ انہوں نے کہا کہ بیج خریدتے وقت اس بات کا یقین کر لیا جائے کہ بیج کی روئیدگی 80فیصد سے زائد ہے۔
Short Link: https://urdu.app.com.pk/urdu/?p=507242
