بیجنگ۔7جنوری (اے پی پی):چین کی ای کامرس مارکیٹ میں سپلائی چین کی صلاحیت، خدمات کے معیاراور مارکیٹ کی سرگرمیوں میں نمایاں اضافہ دیکھنے میں آیا۔ چائنا فیڈریشن آف لاجسٹکس اینڈ پرچیزنگ کے مطابق دسمبر 2024 کے ای کامرس لاجسٹکس انڈیکس کی قدر 112.7 پوائنٹس تھی، جو گزشتہ ماہ کے مقابلے میں معمولی کمی کے باوجود پورے سال کے لیے ایک مستحکم اور مثبت رجحان کو ظاہر کرتی ہے۔
دسمبر 2024 کا چائنا ای کامرس لاجسٹکس انڈیکس 112.7 پوائنٹس ہے، جو پچھلے ماہ کے مقابلے میں2.8 پوائنٹس کم ہے۔
ڈیمانڈ کے حوالے سے کل کاروباری حجم انڈیکس میں 30 فیصد سے زائد اضافہ رہا۔2024 کے 12 میں سے نو ماہ میں اس انڈیکس میں اضافہ دیکھنے میں آیا اور نومبر میں گزشتہ سات سال کے مقابلے میں ایک نئی بلندی پر جا پہنچا۔ 2024 ای کامرس لاجسٹکس انڈیکس کی ماہانہ اوسط قدر 113.7پوائنٹس ہے جو 2023 کے مقابلے میں3.6 پوائنٹس زیادہ ہے۔
