سعودی عرب فضائیہ کی برطانیہ میں مشترکہ مشق ’کوبرا واریئر1-25‘ میں شرکت

ریاض ۔12فروری (اے پی پی):سعودی عرب کی رائل ایئر فورس کے فائٹریونٹس برطانیہ میں ہونے والی مشترکہ فضائی مشق "کوبرا واریئر1-25″میں شرکت کریں گے۔ایس پی اےکےمطابق ایئرچیف لیفٹیننٹ جنرل شہزادہ ترکی بن بندر بن عبدالعزیز نے دستوں کو کنگ خالد ایئربیس سے رخصت کیا۔

انہیں وطنِ عزیز کی نمائندگی کرنے پر مبارک باد دیتے ہوئے اس بات پر زوردیا کہ وہ مشقوں سے بہتر طورپر استفادہ کریں۔مشقوں کے حوالے سے ان کا کہنا تھا ’برطانوی اور دیگر ممالک کی فورسز کے ساتھ ہونے والی مشقوں سے باہمی تعلقات اور فورسز کی عسکری صلاحیتوں میں اضافہ ہوگا۔اس موقع پر ایئرچیف لیفٹیننٹ جنرل شہزادہ ترکی بن بندر کو یادگاری تحفہ بھی پیش کیا گیا۔