کیلیفورنیا۔13مارچ (اے پی پی):بیلاروس کی نامور ٹینس سٹار ، عالمی نمبر ون اور ایونٹ کی ٹاپ سیڈڈ آرینا سبالینکا ڈبلیوٹی اے انڈین ویلز اوپن ٹینس ٹورنامنٹ میں خواتین کے سنگلز مقابلوں کے کوارٹر فائنل رائونڈ میں پہنچ گئیں جبکہ میزبان ٹینس سٹار اور تھرڈ سیڈڈ کوکوگف چوتھے رائونڈ میں ہار کر ایونٹ سے باہر ہوگئیں۔ 26 سالہ ٹاپ سیڈڈ آرینا سبالینکا نے خواتین کے سنگلز مقابلوں کے چوتھے میچ میں 23 سالہ برطانوی حریف ٹینس سٹار ونی کارٹل کو شکست دے کر نہ صرف ڈبلیو ٹی اے ایونٹ سے باہر کر دیا بلکہ ٹاپ 8 رائونڈ کے لئے بھی کوالیفائی کرلیا ۔
ڈبلیو ٹی اے کے زیراہتمام ویمنز ٹینس ٹورنامنٹ کے دلچسپ اور سنسنی خیز مقابلے امریکا کی ریاست کیلیفورنیا میں جاری ہیں۔ ٹورنامنٹ میں خواتین کے سنگلز مقابلوں کے پری کوارٹر فائنل رائونڈ میچ میں 26 سالہ بیلاروس کی نامور ٹینس سٹار ، عالمی نمبر ون اور ایونٹ کی ٹاپ سیڈڈ آرینا سبالینکا نے انتہائی شاندار کارکردگی کا مظاہرہ کرتے ہوئے 23 سالہ برطانوی حریف ٹینس سٹار ونی کارٹل کو سٹریٹ سیٹس می1-6 اور 2-6سے شکست دے کر ایونٹ کے کوارٹر فائنل رائونڈ کے لئے کوالیفائی کرلیا ،
جہاں ان کا مقابلہ روسی حریف ٹینس سٹار لیوڈمیلا دیمتریونا سمسونووا سے ہوگا۔ایک اور میچ میں وائلڈ کارڈ پر انٹر پانے والی سوئس ٹینس سٹار بیلنڈا بینسک نے حریف امریکی ٹینس سٹار کوکوگف کو 6-3، 3-6 اور 4-6سے ہرا کر ٹاپ 8 رائونڈ کے لئے کوالیفائی کرلیا۔
Short Link: https://urdu.app.com.pk/urdu/?p=571840
