ایران کی ایٹمی تنصیبات پر حملہ تباہی کا باعث بنے گا، روس

ماسکو ۔2اپریل (اے پی پی):روس نے امریکا کے ایران کے جوہری ڈھانچے کو نشانہ بنانے کے سنگین نتائج سے خبردار کیا۔العربیہ کے مطابق روس کے نائب وزیر خارجہ سرگئی ریابکوف نے کہا کہ ایران کے جوہری ڈھانچے کو نشانہ بنانے کے پورے خطے کے لیے تباہ کن نتائج ہوں گے۔

انٹرنیشنل افیئرز میگزین کو انٹرویو دیتے ہوئے انہوں نے زور دیا کہ ان کا ملک ایران کے خلاف طاقت کے استعمال کی امریکی دھمکیوں کو نامناسب سمجھتا ہے۔ ریابکوف نے کہا کہ دھمکیاں پہلے ہی سنی جا رہی ہیں۔

الٹی میٹم سنائے جا رہے ہیں اور ہم ان طریقوں کو نامناسب سمجھتے ہیں اور ان کی شدید مذمت کرتے ہیں۔انہوں نے ان دھمکیوں کو ایران پر امریکی مرضی مسلط کرنے کا ایک حربہ قرار دیا۔