سعودی شاہی فضائیہ اور مختلف فورسز کی مشترکہ عسکری مشقیں جاری ، مقصد صلاحیتوں میں اضافہ اور جوانوں کی عملی تربیت کرنا ہے

ریاض۔3اپریل (اے پی پی):سعودی شاہی فضائیہ اور مختلف فورسز کی امریکا کے نیلس بیس پر مشترکہ عسکری مشقیں’ گرین فلیگ 2025‘ جاری ہیں، ان کا مقصد شریک فورسز کی صلاحیتوں میں اضافہ اور مختلف جنگی حوالوں سے جوانوں کی عملی تربیت کرنا ہے۔

سبق نیوز نے وزارت دفاع کے حوالے سے کہا ہے کہ سبز پرچم کے عنوان سے جاری عسکری مشقیں عالمی سطح پر انتہائی اہم ہیں جن میں شریک دستے حقیقت سے قریب ترین سنیاریو تخلق کرتے ہوئے مشقیں کرتے ہیں۔ان کا کہنا تھا کہ مشترکہ عسکری مشقوں کا مقصد شریک فورسز کی صلاحیتوں میں اضافہ اور مختلف جنگی حوالوں سے جوانوں کی عملی تربیت کرنا ہے جن میں حملہ کرنا ، دفاعی پوزیشن اور دشمن سے بچنے کے علاوہ گھات لگانا وغیرہ شامل ہے۔

Short Link: https://urdu.app.com.pk/urdu/?p=578014