واشنگٹن ۔25اپریل (اے پی پی):امریکا میں ایک خاتون نے کہا ہے کہ چیٹ جی پی ٹی نے ان کے اندر پوشیدہ کینسر کا پتا لگانے میں مدد کی جس کی علامات انہوں نے ڈاکٹر کو بتائیں لیکن اس نے نظر انداز کر کے کسی اور مرض کی تشخیص کر دی۔اردو نیوز کے مطابق 40 سالہ لورین بینن نے تیزی سے وزن کم ہونے اور معدے میں درد کی شکایت پر ڈاکٹر سے رابطہ کیا تو اس نے وجہ آرتھرائٹس یا معدے کی خرابی بتائی۔خاتون نے چیٹ جی پی ٹی پر اپنی علامات کے بارے میں لکھا تو جواب آیا کہ انہیں ہیشیموتو(کینسر کی ایک قسم)ہے اور جب ٹیسٹ کروایا تو معلوم ہوا کہ چیٹ جی پی ٹی ٹھیک کہہ رہا ہے۔
ٹیسٹ سے پتا چلا کہ ان کی گردن پر دو چھوٹی رسولیاں ہیں جو کینسر ثابت ہوئیں۔ لورین کا کہنا تھا کہ ڈاکٹر مجھے صرف چکر لگوا رہے تھے، میں بہت مایوس تھی اور جاننا چاہتی تھی کہ آخر مجھے کیا ہوا ہے لیکن جو جواب مجھے چاہیے تھا وہ نہیں مل رہا تھا۔
خاتون کا کہنا تھا کہ جب میں نے چیٹ جی پی ٹی پر جاننے کی کوشش کی جس نے مرض بارے بتایا اور کہا کہ تھائیرائڈ کا ٹیسٹ ہونا چاہیے، ڈاکٹر کے پاس گئی جس نے کہا کہ یہ نہیں ہو سکتا کیونکہ اس مرض کی میری کوئی فیملی ہسٹری نہیں ۔
لورین کا کہنا تھا کہ میرے اندر ہیشیموتو مرض کی علامات نہیں تھیں، مجھے تھکاوٹ محسوس نہیں ہوتی تھی، اگر میں چیٹ جی پی ٹی پر نہ دیکھتی تو کینسر میرے جسم میں پھیل جاتا۔ اس کا کہنا تھا کہ چیٹ جی پی ٹی نے میری زندگی بچائی ہے۔
Short Link: https://urdu.app.com.pk/urdu/?p=587488
