اسلام آباد۔6مئی (اے پی پی):بورڈ آف کنٹرول برائے کرکٹ ان انڈیا (بی سی سی آئی )کے زیراہتمام انڈین پریمیئر لیگ (آئی پی ایل) کا 18واں ایڈیشن بھارت میں جاری ہے جس میں شائقین کرکٹ کو انہتائی دلچسپ اور کانٹے دار مقابلے دیکھنے کو مل رہے ہیں،لیگ میں کل (بدھ کو)مزید ایک میچ کھیلا جائے گا ۔لیگ کا 57واں میچ دفاعی چیمپئن کولکتہ نائٹ رائیڈرز اور چنائی سپر کنگز کی ٹیموں کے درمیان ایڈنز گارڈنز ، کولکتہ میں کھیلا جائے گا ۔دفاعی چیمپئن کولکتہ نائٹ رائیڈرز کی ٹیم کو مایہ ناز بلے باز اجنکیا رہانے لیڈ کریں گے جبکہ چنائی سپر کنگز کو مایہ ناز وکٹ کیپر بلے باز مہندرا سنگھ دھونی لیڈ کریں گے ۔
کولکتہ نائٹ رائیڈرز کی ٹیم کے 11پوائنٹس ہیں اور وہ ٹیبل پر چھٹے نمبر پر موجود ہے جبکہ چنائی سپر کنگز کی ٹیم 11 میچز کھیل چکی اور وہ صرف دو میچز جیت سکی ہے اور وہ 4 پوائنٹس کے ساتھ ٹیبل پر سب سے نیچے دسویں نمبر پر اور وہ ناک آئوٹ مرحلے کے لئے بھی کوالیفائی نہیں کر سکی ہے۔لیگ کے 18ویں ایڈیشن میں شامل 10 ٹیموں کے درمیان فائنل سمیت مجموعی طور پر74میچ کھیلے جائیں گے ۔لیگ میں کولکتہ نائٹ رائیڈرز کی ٹیم ٹائٹل کا دفاع کے لئے کوشاں ہے ۔
لیگ میں شامل 10 ٹیموں میں دفاعی چیمپئن کولکتہ نائٹ رائیڈرز کے علاوہ دیگر ٹیموں میں چنائی سپر کنگز،گجرات ٹائٹنز ،ممبئی انڈینز، دہلی کیپٹلز، پنجاب کنگز، راجستھان رائلز، رائل چیلنجرز بنگلور ، سن رائزرز حیدر آباد اور لکھنؤ سپر جائنٹس شامل ہیں۔
واضح رہے کہ چنائی سپر کنگز اور ممبئی انڈینز کو سب سے زیادہ پانچ پانچ بار آئی پی ایل کا ٹائٹل جیتنے کا اعزاز حاصل ہے ، کولکتہ نائٹ رائیڈرز نے تین جبکہ راجستھان رائلز، سن رائزرز حیدر آباد ، دکن چارجرز اور گجرات ٹائٹنز نے ایک ایک بار چیمپئن ہونے کا اعزاز حاصل کیا ۔آئی پی ایل کا فائنل میچ بھی کولکتہ میں 25 مئی کو شیڈول ہے۔
Short Link: https://urdu.app.com.pk/urdu/?p=593074
کھیلا جائے گا){kind=link}