سینیٹ میں تجارتی تنظیمیں ثانوی ترمیمی بل 2025متفقہ طور پر منظور

اسلام آباد۔19مئی (اے پی پی):ایوان بالا نے تجارتی تنظیمیں ثانوی ترمیمی بل 2025ء متفقہ طور پر منظور کر لیا۔ پیر کو ایوان بالا کے اجلاس میں سینیٹر شہادت اعوان نے یہ بل قومی اسمبلی سے منظور کردہ اور سینیٹ سے ارسال کردہ صورت میں پیش کرنے کیلئے تحریک پیش کی۔ تحریک کی ایوان سے منظوری کے بعد انہوں نے یہ بل ایوان میں پیش کیا۔ ڈپٹی چیئرمین سینیٹ سیدال خان ناصر نے اس بل کی ایوان سے منظوری لی۔ بعد ازاں ایوان نے یہ بل متفقہ طور پر منظور کر لیا۔

Short Link: https://urdu.app.com.pk/urdu/?p=598850