امریکا کے ساتھ مذاکرات کی کوئی جلدی نہیں، ایران

تہران ۔3اگست (اے پی پی):ایران نے کہا ہے کہ امریکا کے ساتھ مذاکرات کی کوئی جلدی نہیں ہے ۔ عرب نیوز کے مطابق ایران کے نائب وزیر خارجہ سعید خطیب زادہ نے ایک بیان میں کہا ہے کہ ایران کو امریکا کے ساتھ کسی بھی قسم کے بالواسطہ رابطے یا مذاکراتی عمل میں شامل ہونے کی کوئی جلدی نہیں ہے ۔

انہوں نے امریکی پالیسی پر تنقید کرتے ہوئے کہا کہ امریکا جب دیگر ممالک کی پرامن نیوکلیئر تنصیبات پر حملے کی بات آتی ہے، تو کوئی سرخ لکیر تسلیم نہیں کرتا ہے ۔ انہوں نے خبردار کیا کہ امریکا کو سمجھنا چاہیے کہ وہ اس طرح کی جارحانہ روش اپنا کر دوسروں کی خودمختاری اور سالمیت پر حملہ نہیں کر سکتا ہے ۔