اسلام آباد۔25اگست (اے پی پی):ٹک ٹاک نے مشرق وسطیٰ، ترکیہ، افریقہ، پاکستان اور جنوبی ایشیا(METAP ) کے خطے میں ٹک ٹاک ایڈ ایوارڈز کے دوبارہ انعقاد کا اعلان کر دیا ہے۔ ایوارڈز کی یہ تقریب دسمبر 2025ء میں ریاض، سعودی عرب میں منعقد کی جائے گی۔ ان ایوارڈز میں ان برانڈز اور ایجنسیوں کا جشن منایا جاتا ہے جو ٹک ٹاک پر تخلیقی اور اعلیٰ کارکردگی کی حامل مہمات کے ذریعے نمایاں مقام حاصل کر تے ہیں اور اس پلیٹ فارم کی منفرد نوعیت کو اپناتے ہوئے شاندار اشتہاری تجربات فراہم کرتے ہیں۔
پیر کو جاری پریس ریلیز کے مطابق گزشتہ برس منعقد ہونے والے پہلے ایڈیشن کی کامیابی کو بنیاد بناتے ہوئے،ٹک ٹاک ایڈ ایوارڈز 2025 کی تقریب میں ایک مرتبہ پھر پورے خطے کی سب سے متاثر کن اشتہاری مہمات کو پیش کیا جائے گا۔ ان ایوارڈز میں ان برانڈز کو سراہا جاتا ہے جنہوں نے تصدیق شدہ ہونے، تخلیقی صلاحیت اورخوشگوار لمحات کو ٹک ٹاک پر فروغ دیا اور ساتھ ہی شاندار کاروباری نتائج حاصل کیے۔
اس پروگرام کا مقصد ہے کہ ان اشتہارات کی غیر معمولی صلاحیت، جدت اور اثرات کو تسلیم کیا جائے اور اعزازات سے نوازا جائے تاکہ ایسے تخلیقی ذہن جو ٹک ٹاک پر نئی راہیں ہموار کر رہے ہیں، بھرپور انداز میں سامنے آئیں۔ان ایوارڈز میں شامل ہونے کا مرحلہ مورخہ 18 اگست سے شروع ہو رہا ہے اور اس میں پاکستان سمیت سعودی عرب، متحدہ عرب امارات، قطر، لبنان، عراق، مصر، ترکیہ، مراکش، کینیا، نائیجیریا، جنوبی افریقہ، قازقستان، آذربائیجان، قبرص، بنگلہ دیش اور سری لنکا میں قائم برانڈز اور ایجنسیوں کی شرکت کا خیرمقدم کیا جائے گا۔
اہل مہمات لازمی طور پر مورخہ یکم اکتوبر 2024ء سے مورخہ 31 اکتوبر 2025ء کے درمیان ٹک ٹاک پر چلائی گئی ہوں۔اس سال کے پروگرام میں نو کیٹیگریز شامل ہوں گی۔ان میں اٹز دی کری ایٹو فار می، کمیونٹی کور-فل فنل فلیکس،بگ برانڈنگ انرجی، گول ڈگر، بوجی آن اے بجٹ،سائونڈ آن پلیز،دی پیپلز چوائس شامل ہیں جبکہ سب سے بڑا اعزاز دی گریٹسٹ آف آل ٹائم ہے۔ سات مرکزی کیٹیگریز میں جمع کروائی جانے والی تمام درخواستیں خودکار طور پردی گریٹسٹ آف آل ٹائم کے لیے اہل تصور کی جائیں گی۔
ایوارڈز میں شمولیت کے لیے درخواست دینے کا مرحلہ بتاریخ 31 اکتوبر 2025ء کو بند ہو جائے گا اور اس طرح ممکن شرکا کو تیاری کے لیے وافر وقت ملے گا۔ان ایوارڈز کے بارے میں ٹک ٹاک کے جنرل منیجر گلوبل بزنس سلوشنز، مڈل ایسٹ، ترکیہ، افریقہ، سینٹرل اینڈ سائوتھ ایشیا شادی قندیل نے کہا ”گزشتہ برس دیکھی گئی شاندار تخلیقی صلاحیتوں کے بعد ہم سنہ2025ء کے لیےبھی ٹک ٹاک ایڈ ایوارڈز پیش کرنے پر پرجوش ہیں جو ریاض میں منعقد ہوں گے۔یہ ایوارڈز ایسے کام کا جشن منانے کے لیے ہیں جو محض اشتہار بازی سے آگے بڑھ کر ثقافتی لمحات تخلیق کرتے ہیں، خوشیاں بکھیرتے ہیں اور ٹھوس کاروباری نتائج فراہم کرتے ہیں۔
ہمیں اس سال METAP کے برانڈز اور ایجنسیوں کی جانب سے پیش کیے جانے والے جرأت مندانہ اور اختراعی کام کا بے حد انتظار ہے۔ برانڈز اور ایجنسیز مکمل پروگرام کی تفصیلات دیکھنے اور اپنی انٹری جمع کروانے کے لیے https://tiktokadawardsmetapee.com/2025/en/page/home پر جا سکتے ہیں۔ فاتحین کا اعلان ریاض، سعودی عرب میں منعقد ہونے والی ایوارڈز کی تقریب میں کیا جائے گا جو جشن، کرئیٹیویٹی اور نیٹ ورکنگ کی ایک شام کی میزبانی کرے گی۔
