اسلام آباد ۔ 10 اگست (اے پی پی) وزیردفاع خرم دستگیر خان نے کہاہے کہ 2013کے عام انتخابات میں عوام نے محمد نوازشریف کی قیادت میں پاکستان مسلم لیگ (ن) پر اپنے اعتماد کا اظہارکیا تھا اوراب ریلی میں عوام سابق وزیراعظم سے اپنی محبت کا اظہارکررہے ہیں۔ پی ٹی وی کے پروگرام میں گفتگو کرتے ہوئے انہوں نے کہاکہ عدالت عظمیٰ کے فیصلے پر عمل درآمد کے بعد سابق …
عوام سابق وزیراعظم سے اپنی محبت کا اظہارکررہے ہیں، ریلی کے تمام انتظامات مسلم لیگ(ن) کررہی ہے،خرم دستگیر خان
مزید خبریں
اسلام آباد ۔ 10 اگست (اے پی پی) وزیردفاع خرم دستگیر خان نے کہاہے کہ 2013کے عام انتخابات میں عوام نے محمد نوازشریف کی قیادت میں پاکستان مسلم لیگ (ن) پر اپنے اعتماد کا اظہارکیا تھا اوراب ریلی میں عوام سابق وزیراعظم سے اپنی محبت کا اظہارکررہے ہیں۔ پی ٹی وی کے پروگرام میں گفتگو کرتے ہوئے انہوں نے کہاکہ عدالت عظمیٰ کے فیصلے پر عمل درآمد کے بعد سابق وزیراعظم محمد نوازشریف جی ٹی روڈ کے ذریعے لاہور اپنے گھر واپس جارہے ہیں، محمد نوازشریف پر قوم نے تین مرتبہ اپنے اعتماد کا اظہارکیاہے اوروہ اب اپنے ووٹروں کو عدالتی فیصلہ پر اپنے تحفظات سے آگاہ کرنا چاہتے ہیں۔وزیردفاع نے کہاکہ پاک چین اقتصادی راہداری کا منصوبہ اور وسطی ایشیا سمیت علاقائی ممالک سے روابط میں اضافہ سابق وزیراعظم محمد نوازشریف کی پالیسیوں کے پھل ہیں۔ایک سوال پرانہوں نے کہاکہ باقی علاقوں کی طرح گوجرانوالہ کے عوام بھی سابق وزیراعظم کی آمد کے موقع پرانتہائی پرجوش ہیں اوروہاں پر ان کا فقیدالمثال خیرمقدم کیا جائیگا، گوجرانوالہ مسلم لیگ(ن) کا گڑہ ہے اور وہاں کے شہری اپنے رہنماءکی آمد کا انتظارکررہے ہیں۔انہوں نے کہاکہ دہشت گردی کے خلاف جنگ میں ہماری مسلح افواج بھرپورکردار اداکررہی ہیں اوراس جنگ میں ہماری فورسز کی قربانیاں لائق تحسین ہے، دہشت گردی کے خلاف جنگ میں پاکستان نے سب سے زیادہ قربانیاں دی ہیں۔ایک سوال پر انہوں نے کہاکہ سابق وزیراعظم کی ریلی کے تمام انتظامات پاکستان مسلم لیگ(ن) کررہی ہے۔
