ایچ ای سی کا "بلوچستان اور سابقہ فاٹا (فیز تھری) بیچ فور کے طلباء کیلئے اعلیٰ تعلیم کے مواقع کی فراہمی” کے منصوبے کے تحت شیڈول اپٹیٹیوڈ ٹیسٹ ملتوی

اسلام آباد۔10نومبر (اے پی پی):ہائر ایجوکیشن کمیشن (ایچ ای سی) کی ایجوکیشن ٹیسٹنگ کونسل (ای ٹی سی) نے ’’بلوچستان اور سابقہ فاٹا (فیز تھری) بیچ فور کے طلباء کے لیے اعلیٰ تعلیم کے مواقع کی فراہمی” کے منصوبے کے تحت شیڈول اپٹیٹیوڈ ٹیسٹ ملتوی کر دیا ہے۔ یہ ٹیسٹ جو اصل میں اتوار 16 نومبر 2025ء کو ہونا تھا ، امن و امان کی موجودہ صورتحال اور کوئٹہ شہر میں دفعہ 144 کے نفاذ کی وجہ سے ملتوی کر دیا گیا ہے

جس کی وجہ سے تمام امیدواروں اور عملے کی حفاظت کے لئے تبدیلی کی ضرورت ہے۔ای ٹی سی جلد ہی ایپٹیٹیوڈ ٹیسٹ کے لئے نئی تاریخ کا اعلان کرے گا۔ امیدواروں کو سختی سے مشورہ دیا جاتا ہے کہ وہ اپ ڈیٹس کے لئے سرکاری ایچ ای سی اور ای ٹی سی کی ویب سائٹس کی باقاعدگی سے نگرانی کریں۔