ایشیا، افریقہ، یورپ، لاطینی امریکا اور دیگر خطوں کی 21 سیاسی جماعتوں کے وفد کا چائنا گلوبل ٹیلی ویژن نیٹ ورک کے صدر دفتر کا دورہ

بیجنگ۔18نومبر (اے پی پی):ایشیا، افریقہ، یورپ، لاطینی امریکا اور دیگر خطوں کے 21 سیاسی جماعتوں سے تعلق رکھنے والے بین الاقوامی وفد نے بیجنگ میں چائنا گلوبل ٹیلی ویژن نیٹ ورک (سی جی ٹی این) کے صدر دفتر کا دورہ کیا۔منگل کو جاری بیان کے مطابق نیٹ ورک کے جدید ترین کانفرنس روم میں سی جی ٹی این کی سینئر قیادت بشمول سی جی ٹی این کے نائب صدر ڈنگ یونگ نے گروپ کا پرتپاک خیرمقدم کیا۔ مندوبین نے مرکزی نشریاتی سٹوڈیوز، جدید ڈیجیٹل میڈیا سینٹر اور ہائی ٹیک کمانڈ سینٹر کا دورہ کیا ۔

اس دورے نے ایک اعلیٰ بین الاقوامی نشریاتی ادارے کے طور پر سی جی ٹی این کے بااثر کردار کو اجاگر کیا جس نے 170 سے زیادہ ممالک اور خطوں کے سامعین کے سامنے متنوع عالمی بیانیے کو وسعت دیتے ہوئے چین کے نقطہ نظر کو پیش کرنے کا عزم کیا۔ جدید صحافت کے ابھرتے ہوئے تقاضوں، سرحد پار سے متوازن مواصلات کی اہمیت اور آج کے عالمی معلوماتی ماحول کی تشکیل میں ڈیجیٹل اور کثیر لسانی میڈیا کی تبدیلی کی طاقت پر تبادلہ خیال کیا گیا۔

اس موقع پر وزیر اعظم کے معاون خصوصی برائے تجارت رانا احسان افضل خان نے کہا کہ سی جی ٹی این کے اس دورے چین کی پیشہ ورانہ اور اختراعی نشریات کے ذریعے دنیا سے روابط استوار کرنے کی حکمت عملی سے آگاہی حاصل ہوئی۔یہ دورہ چین کی کمیونسٹ پارٹی کے انٹرنیشنل ڈیپارٹمنٹ (آئی ڈی سی پی سی) کے زیر اہتمام وفد کے جاری کثیر شہر پروگرام کا ایک لازمی جزو ہے جس میں گورننس اور ترقی پر سیاسی مکالمے کو جدید میڈیا اور مواصلاتی نظام کی عملی تلاش کے ساتھ ملایا گیا ہے۔