روس کا مغرب پر یوکرینی آبادی کو تباہ کرنے کی کوشش کا الزام

ماسکو ۔20نومبر (اے پی پی):روس نے ب پر یوکرینی آبادی کو تباہ کرنے کی کوشش کا الزام لگایا ہے ۔ تاس کے مطابق روسی وزارتِ خارجہ کی ترجمان ماریا زاخارووا نے الزام عائد کیا ہے کہ مغربی ممالک مبینہ طور پر یوکرینی آبادی کی تباہی کے منصوبے پر عمل کر رہے ہیں، جس کا تقابل انہوں نے ہٹلر کے دور میں سلاوی قوموں کے خلاف بنائے گئے منصوبوں سے کیا۔

انہوں نے کہا کہ ان کے مطابق مغرب یوکرین کو روس پر دباؤ ڈالنے کے آلے کے طور پر استعمال کر رہا ہے، اور اُن کے بقول بعض مغربی حلقوں کے ذہن میں "یوکرینی عوام کے خاتمے کا تصور” موجود ہے۔ انہوں نے دعویٰ کیا کہ "85 سال پہلے بھی مغرب کے ایسے ہی عزائم تھے” اور یہ کہ اس زمانے میں ناززم اور فاشزم خصوصاً یوکرین میں سرگرم تھا۔

ترجمان نے کہا کہ مغرب کے نقطۂ نظر کے مطابق یوکرینیوں کو یا تو "نیونازی پرچم اٹھانا ہوگا یا پھر تباہی کا سامنا کرنا ہوگا”— اور ان کے بقول یہ تصور ہٹلر کے اُس منصوبے سے مماثل ہے جو سوویت یونین اور سلاوی آبادی کو نشانہ بناتا تھا۔انہوں کی یوکرین کی موجودہ قیادت پر بھی تنقید کرتے ہوئے کہا کہ یوکرین کو اس کے اپنے رہنماؤں نے دھوکا دیا ہے۔

انہوں نے صدر وولودیمیر زیلنسکی اور سابق صدر پیٹرو پوروشینکو کو نام لے کر تنقید کا نشانہ بنایا اور کہا کہ یوکرینی شہریوں کو اپنی اور اپنے اہلِ خانہ کی حفاظت کے لیے تمام ممکنہ راستوں پر غور کرنا چاہیے۔