آئی ٹی ایف ورلڈ ماسٹرز ٹور ایم ٹی ٹورنامنٹ: خرم امتیاز اور فرقان الدین خان (منگول) کی بہترین کارکردگی کے بعد وطن واپس لوٹ آئے

لاہور۔16دسمبر (اے پی پی):بینک آف پنجاب آئی ٹی ایف ورلڈ ماسٹرز ٹور ایم ٹی 200ٹورنامنٹ کھیل کر سینئر ٹینس اسٹار خرم امتیاز اور فرقان الدین خان (منگول) پیر کی رات نمایاں کارکردگی پیش کرنے کے بعد وطن واپس لوٹ آئے۔ خرم امتیاز نے 55+ مردوں کے سنگلز اور ڈبلز کا ٹائٹلز جیت کر پاکستان کا نام روشن کیا، فرقان الدین خان نے 55+ مردوں کے ڈبلز کا اعزاز حاصل کرنے میں اہم کردار ادا کیا اور 55+ میں رنر اپ رہے۔

وطن واپس پہنچنے پر کھلاڑیوں کو ان کے اہل خانہ اور دوستوں نے ان کا پرتپاک استقبال کیا ، ان کی قابل ذکر کامیابیوں پر انہیں مبارکباد پیش کی۔ خرم امتیاز نے کہا ہے کہ آئی ٹی ایف ماسٹرز ایونٹ میں سنگلز اور ڈبلز دونوں ٹائٹل جیتنا انتہائی فائدہ مند ہے۔ اعلی بین الاقوامی کھلاڑیوں کے خلاف مقابلہ کرنا اور اس پلیٹ فارم پر پاکستان کی نمائندگی کرنا ایک بہت ہی فخر کی بات ہے۔

فرقان الدین خان نے کہا آئی ٹی ایف ماسٹرز ٹور سینئر کھلاڑیوں کو اعلی سطح پر مقابلہ کرنے کا ایک بہترین موقع فراہم کرتا ہے۔ کھا لاک میں ہمارے نتائج پورے دورے میں ہونے والی سخت محنت اور ٹیم ورک کی عکاسی کرتے ہیں، کھلاڑیوں نے بینک آف پنجاب کا دلی شکریہ ادا کیا ۔