دریاخان۔ 26 دسمبر (اے پی پی):ضلع بھکر کی دھرتی نےعلم و ادب،کھیل سمیت زندگی کے تمام شعبہ ہائے میں مایہ ناز سپوت دیے ہیں جنہوں ملکی اور عالمی سطح پر اپنے ضلع کا نام روشن کیاہے ان میں ضلع بھکر تحصیل کلور کوٹ کا فخر اور کرکٹ کا ابھرتا ہوا ستارہ دانیال خان بھی ہے سرزمین پاکستان ہمیشہ سے ہی باصلاحیت کھلاڑیوں سے مالا مال رہی ہے۔ انہی ہیروں میں …
دریاخان،دانیال خان سپوت بھکر نے عالمی سطح پر ملک وقوم کا نام روشن کردیا
دریاخان۔ 26 دسمبر (اے پی پی):ضلع بھکر کی دھرتی نےعلم و ادب،کھیل سمیت زندگی کے تمام شعبہ ہائے میں مایہ ناز سپوت دیے ہیں جنہوں ملکی اور عالمی سطح پر اپنے ضلع کا نام روشن کیاہے ان میں ضلع بھکر تحصیل کلور کوٹ کا فخر اور کرکٹ کا ابھرتا ہوا ستارہ دانیال خان بھی ہے سرزمین پاکستان ہمیشہ سے ہی باصلاحیت کھلاڑیوں سے مالا مال رہی ہے۔ انہی ہیروں میں سے ایک نام دانیال خان کا ہے، جن کا تعلق شہر کلور کوٹ سے ہے۔
دانیال خان نے اپنی محنت اور کرکٹ سے جنون کی بدولت ثابت کیا کہ اگر ارادے مضبوط ہوں تو منزل دور نہیں ہوتی۔ایشیاء کپ کی تاریخی کامیابی دانیال خان کی زندگی کا سب سے بڑا سنگِ میل انڈر۔19 ایشیاء کپ چیمپئن بننا ہے۔اس ٹورنامنٹ میں ایشیاء کی بہترین ٹیموں کے مابین سخت مقابلہ تھا، جہاں پاکستان کے ان نوجوان شاہینوں نے اپنی بہترین حکمتِ عملی اور کھیل سے ٹرافی اپنے نام کی۔ دانیال خان اس فاتح ٹیم کا ایک اہم حصہ رہے، جس نے بین الاقوامی سطح پر پاکستان کا سبز ہلالی پرچم بلند کیا۔
کلور کوٹ سے عالمی افق تک عام طور پر یہ سمجھا جاتا ہے کہ بڑے کھلاڑی صرف بڑے شہروں سے نکلتے ہیں، لیکن دانیال خان نے اس تاثر کو غلط ثابت کر دیا۔ کلور کوٹ کی گلیوں اور میدانوں سے شروع ہونے والا یہ سفر ایشیاء کی چیمپیئن شپ تک پہنچ چکا ہے۔ ان کی یہ کامیابی علاقے کے دوسرے نوجوانوں کے لیے ایک مشعلِ راہ ہے کہ وہ بھی اپنے خوابوں کی تکمیل کر سکتے ہیں مستقبل کی امیدیں ایشیاء کپ کی جیت تو محض ایک آغاز ہے۔ دانیال خان کی نظریں اب پاکستان کی قومی کرکٹ ٹیم اور پی ایس ایل) جیسے بڑے پلیٹ فارمز پر ہیں۔ ان کی لگن کو دیکھ کر یہ کہنا غلط نہ ہوگا کہ وہ مستقبل میں پاکستان کرکٹ کے ایک بڑے ستارے بن کر ابھریں گےدانیال خان جیسے نوجوان ملک کا سرمایہ ہیں۔
