چین کی 2027 میں اقوام متحدہ کے ایشیا بحرالکاہل اقتصادی و سماجی کمیشن کے شنگھائی میں اجلاس کی میزبانی کی پیشکش

بیجنگ۔21اپریل (اے پی پی):چین نے 2027 میں شنگھائی میں اقوام متحدہ کے ایشیا بحرالکاہل اقتصادی و سماجی کمیشن کے اجلاس کی میزبانی کی پیشکش کی ہے۔ سی جی ٹی این کے مطابق چین کے نائب وزیر خارجہ ماچھاوشو نے تھائی لینڈ کے دارالحکومت بینکاک میں منعقدہ اقوام متحدہ کے ایشیا بحرالکاہل اقتصادی و سماجی کمیشن کے 82ویں سالانہ اجلاس کے وزارتی سطح کے اجلاس میں شرکت کی اور خطاب کیا۔انہوں نے کہا کہ آئندہ سال ایشیا بحرالکاہل اقتصادی و سماجی کمیشن کے قیام کو 80 سال مکمل ہو جائیں گے۔

چین اس موقع پر اپریل 2027 میں اس کمیشن کے قیام کے مقام شنگھائی میں 83ویں سالانہ اجلاس کی میزبانی کرنے کے لیے تیار ہے۔انہوں نے مزید کہا کہ چین اس اجلاس کو ایک اہم موقع کے طور پر دیکھتا ہے اور توقع رکھتا ہے کہ اس کے ذریعے تمام رکن ممالک کے ساتھ مل کر ابتدائی مقاصد اور ذمہ داریوں کو دوبارہ یاد کیا جائے گا، باہمی فائدے پر مبنی تعاون کو مزید گہرا کیا جائے گا اور ایشیا بحرالکاہل کمیونٹی کی تشکیل کے لیے زیادہ کردار ادا کیا جائے گا۔