نیوزی لینڈ الیون کو انڈین بورڈ پریذیڈنٹ الیون کے ہاتھوں ٹور ون ڈے میچ میں شکست کا سامنا

ممبئی۔ 18 اکتوبر (اے پی پی) انڈین بورڈ پریذیڈنٹ الیون نے نیوزی لینڈ الیون کو ٹور ون ڈے میچ میں 30 رنز سے ہرا دیا۔ بھارت اور نیوزی لینڈ کے مابین تین ون ڈے کرکٹ میچز کی سیریز کا آغاز 22 اکتوبر سے ہوگا۔ تفصیلات کے مطابق نیوزی لینڈ کی کرکٹ ٹیم ان دنوں دورہ بھارت پر ہے جہاں وہ تین ون ڈے اور تین ٹی 20 میچوں کی سیریز کھیلے گی۔ دونوں ٹیموں کے مابین ون ڈے سیریز کا آغاز 22 اکتوبر سے ہوگا۔ دوسرا ون ڈے 25 اکتوبر جبکہ تیسرا اور آخری ون ڈے 29 اکتوبر کو کھیلا جائے گا۔ ٹی 20 سیریز کا پہلا میچ یکم نومبر، دوسرا 4 نومبر اور تیسرا 7 نومبر کو کھیلا جائے گا۔