وزیراعظم شہباز شریف کی اعجاز حسین جکھرانی کی رہائش گاہ آمد،صاحبزادے کے انتقال پر اظہار تعزیت

اسلام آباد۔13جون (اے پی پی):وزیراعظم محمد شہباز شریف پاکستان پیپلز پارٹی کے رکن قومی اسمبلی اعجاز حسین جکھرانی کے صاحبزادے کے انتقال پر تعزیت کیلئے ہفتہ کو انکی رہائش گاہ گئے ۔

وزیر اعظم آفس کے میڈیا ونگ کی طرف سے جاری بیان کے مطابق وزیراعظم نے مرحوم کے لیے مغفرت اور اہل خانہ کے لیے صبر و استقامت کی دعا کی۔ رکن قومی اسمبلی اعجاز حسین جکھرانی نے وزیراعظم کی آمد پر ان کا شکریہ ادا کیا۔ سپیکر قومی اسمبلی سردار ایاز صادق اور وفاقی وزیر اطلاعات و نشریات عطا اللہ تارڑ کے علاوہ ارکان قومی اسمبلی سید نوید قمر اور سید آغا رفیع اللّٰہ بھی اس موقع پر موجود تھے۔