ایچ ایس ایس سی سالانہ امتحانات 2026، پہلی تینوں پوزیشنز طالبات کے نام، نمایاں نمبروں سے کامیابی

راولپنڈی ۔22ستمبر (اے پی پی):بورڈ آف انٹرمیڈیٹ اینڈ سیکنڈری ایجوکیشن راولپنڈی کے ایچ ایس ایس سی سالانہ امتحانات 2026 کے نتائج میں طالبات نے شاندار تعلیمی کارکردگی کا مظاہرہ کرتے ہوئے پہلی تینوں مجموعی پوزیشنز اپنے نام کرلی ہیں۔ بورڈ ترجمان کے مطابق پہلی پوزیشن حاصل کرنے والی طالبہ عطفہ جاوید نے 1200 میں سے 1156 نمبر حاصل کیے، دوسری پوزیشن کی حقدار طالبہ نور فاطمہ ساجد نے 1151 جبکہ تیسری پوزیشن حاصل کرنے والی طالبہ نبیہ ایمان نے 1142 نمبر حاصل کیے۔ترجمان تعلیمی بورڈ کے مطابق پہلی پوزیشن حاصل کرنے والی طالبہ کا رول نمبر 729581، دوسری پوزیشن حاصل کرنے والی طالبہ کا رول نمبر 714151 جبکہ تیسری پوزیشن کا رول نمبر 754665 ہے۔

1142 نمبر حاصل کرنے والے ایک اور امیدوار کا نام منیب شاہ بھی پوزیشن فہرست میں شامل ہے تاہم جاری کردہ فہرست میں اس امیدوار کی پوزیشن الگ درج کی گئی ہے۔بورڈ ترجمان کے مطابق مختلف گروپس میں بھی امیدواروں نے قابل ذکر کارکردگی دکھائی۔ ہیومینٹیز گروپ میں 1074، 1065 اور 1064 نمبر حاصل کرنے والے امیدوار نمایاں رہے جبکہ پری انجینئرنگ گروپ میں 1120، 1119 اور 1118 نمبر حاصل کرنے والے امیدواروں نے اعلیٰ نمبروں کے ساتھ اپنی صلاحیتوں کا اظہار کیا۔ترجمان کے مطابق دیگر گروپس میں بھی متعدد امیدواروں نے شاندار نمبرز حاصل کیے، جن میں 1142، 1113، 1107، 1099، 1086، 1074 اور 1048 نمبر حاصل کرنے والے امیدوار شامل ہیں۔ ایچ ایس ایس سی سالانہ امتحانات کے نتائج میں پہلی تینوں مجموعی پوزیشنز پر طالبات کی کامیابی نے طالبات کی تعلیمی میدان میں نمایاں کارکردگی کو اجاگر کیا ہے۔