More

Social Media

Social Media

کھیل کی خبریں

Homeکھیل کی خبریں
کراچی۔7اپریل (اے پی پی):قومی کرکٹ ٹیم کے سابق کپتان شاہد خان آفریدی نے کہا ہے کہ جو بھی حکومت ہو اسے پانچ سال کام کرنے کا پورا موقع ملنا چاہیے۔ سیاست میں آنے کا کوئی ارادہ نہیں ۔ ان خیالات کا اظہار انہوں نے گذشتہ شب نیا ناظم آباد کرکٹ اسٹیڈیم میں رمضان کارپوریٹ کپ کی افتتاحی تقریب کے موقع پر میڈیا سے گفتگو کرتے ہوئے کیا۔ شاہد افریدی نے کہا کہ کسی بھی حکومت کو5سال کی مدت مکمل کرنے کا موقع ملنا چاہیے،حکومت مدت مکمل کر لے تو اسے اپنی کارکردگی کی بنیاد پر ووٹ کے لئے عوام کے پاس جانا چاہیے،قانون سب کے لیے برابر ہونا چاہیے،امیر اور غریب کو یکساں طور پر انصاف ملنا چاہیے،قانون کو اپنی مرضی کے مطابق استعمال کرنا درست نہیں، ۔شاہد خان آفریدی نے کہا کہ پاکستان نے آسٹریلیا کے خلاف اچھی کارکردگی دکھائی،ہمارے کھلاڑیوں نے بہترین کھیل پیش کیا،پاکستان نے مضبوط ٹیم کا ڈٹ کر مقابلہ کیا،پاکستان ٹیم کی بعض شعبوں میں کمزوری نظر آئی،کمزوریوں کو دور کرنے کی ضرورت ہے،پاکستان کو ہوم سیریز کا فائدہ اٹھانا چاہیے تھا،پاکستان نے آسٹریلیا کے خلاف ون ڈے سیریز میں بہترین کھیل پیش کیا،ایسی وکٹیں بنائی جاتیں جن پر ہمارے اسپنرز کامیاب رہتے،ہم ایسے وکٹیں نہیں بنا سکتے جو فاسٹ بولرز کو مدد کریں،پاکستان کی بیٹنگ لائن بہت مضبوط ہے،ہمارے پاس کئی اچھے کھلاڑی ہیں جو پاکستان کو جتوا سکتے ہیں،ماضی میں ہمارے بولرز کامیابی دلواتے تھے،اب ہمارے بیٹسمین کامیابیاں دلوا سکتے ہیں۔ انہوں نے کہا کہ محمد افتخار، خوشدل خان اور آصف علی ایسے بیٹرز ہیں جو پاکستان کی فتوحات میں اہم کردار ادا کر سکتے ہیں،ان کے درمیان بہترین کمیشن بنانے کی ضرورت ہے،تاہم پاکستان ٹیم کو پاور ہٹرز کی ضرورت ہے،ہٹرزکے لیے کوچنگ بہت ضروری ہے۔ شاہد افریدی کا کہنا تھا کہ نیا ناظم اباد ایک مثالی کرکٹ اسٹیڈیم ہے جس کے قیام پر چیئرمین عارف حبیب مبارک باد کے مستحق ہیں۔ اس سے پہلے شاہد آفریدی کی نیاناظم آباد آمد پر چیئرمین عارف حبیب، چیف ایگزیکٹیو آفیسر صمد حبیب اور نیانا ظم آباد کے صدر سید محمد طلحہ نے ان کا استقبال کیا۔ شاہد آفریدی نے اسٹیڈیم کے مختلف حصوں کا دورہ کیا اور گرائونڈ کو زبردست قرار دیا۔ یار رہے کہ رمضان کارپوریٹ کپ میں بارہ ٹیمیں حصہ لے رہی ہیں جنہیں دو گروپ میں تقسیم کیا گیا ہے ،ٹورنامنت کا فائنل اٹھارہ اپریل کو کھیلا جائے گا۔

قومی ٹیسٹ ٹیم کو مصباح الحق اور یونس خان کی کمی محسوس ہوتی رہے گی ، ہمیں دستیاب نوجوان ٹیلنٹ کو سپورٹ کرنا ہے،آئندہ بہتر ملاپ بنتا جائے گا،شاہد آفریدی

لاہور۔16 اکتوبر(اے پی پی )سابق کپتان شاہد آفریدی نے کہاہے کہ قومی کرکٹ ٹیم کے ساتھ میری نیک خواہشات ہیں اور ہر پاکستانی کی طرح میری بھی دعا ہے کہ …

اکتوبر 16,
1:00 صبح