انگلینڈ فٹ بال ٹیم کے مڈفیلڈر جارڈن ہینڈرسن کی چیلسی میں شمولیت، 2 سالہ معاہدہ طے پا گیا

لندن۔4اگست (اے پی پی):انگلینڈ کے تجربہ کار مڈفیلڈر جارڈن ہینڈرسن نے برینٹ فورڈ کے ساتھ معاہدہ باہمی رضامندی سے ختم ہونے کے بعد چیلسی میں آئندہ 2 سال کے لیے شمولیت اختیا کرلی ۔بی بی سی کے مطابق چیلسی نے اس معاہدے کی باضابطہ تصدیق کر دی ہے۔

لیورپول کے سابق کپتان جن کی قیادت میں کلب نے پریمیئر لیگ اور چیمپئنز لیگ سمیت متعدد اعزازات حاصل کیے، نے نئے مینیجر زابی الونسو کی زیرِ نگرانی چیلسی کا حصہ بننے پر خوشی کا اظہار کیا ۔ چیلسی میں شمولیت پر ہینڈرسن نے کہا کہ کلب کا وقار، کوچ ژابی الونسو کی قیادت اور ٹیم کا معیار ان کے فیصلے کی بڑی وجوہات ہیں۔ ان کا کہنا تھا کہ وہ میدان کے اندر اور باہر اپنی بھرپور صلاحیتوں سے ٹیم کی کامیابی میں کردار ادا کرنے کے لیے پُرجوش ہیں۔جارڈن ہینڈرسن نے انگلینڈ کی جانب سے 91 بین الاقوامی میچز کھیلے اور وہ 4 مختلف ورلڈ کپ میچز میں حصہ لینے والے پہلے انگلش کھلاڑی بھی ہیں۔گزشتہ سیزن میں پریمیئر لیگ میں 10ویں نمبر پر رہنے والی چیلسی نے اس سمر ٹرانسفر ونڈو میں جارحانہ حکمتِ عملی اپنائی ، جارڈن ہینڈرسن رواں سیزن میں کلب سے منسلک ہونے والے 10ویں کھلاڑی بن گئے ہیں۔ ان کے علاوہ چیلسی نے مورگن روجرز، ڈینی ویلبیک، ویلنٹائن بارکو اور میکسینز لاکروکس جیسے اہم کھلاڑیوں کو بھی اپنے سکواڈ کا حصہ بنایا ہے۔