اپنی خود مختاری اور قومی سلامتی کے دفاع کےلیے پاکستان اور اپنی مسلح افواج کے ساتھ متحد کھڑے ہیں، آفتاب شیرپاؤ

پشاور ۔27فروری (اے پی پی):قومی وطن پارٹی کے مرکزی چیئرمین آفتاب احمد خان شیرپاؤ نے کہا ہے کہ اس نازک وقت میں ہم اپنی خود مختاری اور قومی سلامتی کے دفاع کےلیے پاکستان اور اپنی مسلح افواج کے ساتھ متحد کھڑے ہیں۔ ایکس پر اپنی پوسٹ میں انہوں نے کہا کہ پاکستان نے بارہا سرحد پار نقل و حرکت اور اپنے سکیورٹی اہلکاروں اور بے گناہ شہریوں کے خون خرابے کو ختم کرنے کا مطالبہ کیا ہے۔

انہوں نے کہا کہ اپنی علاقائی سالمیت کی حفاظت پر کوئی سمجھوتہ نہیں کیا جا سکتاہے۔ ہم نے سرحد کے دونوں طرف امن کو یقینی بنانے کے لیے مستقل طور پر بات چیت اور بامعنی مذاکرات کی پیروی کی ہے، ہم حکومت پاکستان کے اصولی موقف کے ساتھ مضبوطی سے کھڑے ہیں۔ انہوں نے کہا کہ دیرپا استحکام صرف باہمی احترام، ذمہ داری اور مخلصانہ سفارتی روابط کے ذریعے ہی آ سکتا ہے۔