لاہور۔28 جون (اے پی پی )گور نر پنجاب چوہدری محمدسرور نے کہا ہے کہ اپوزیشن جماعتیں حکومت مخالف ا ے پی سی بلانا چاہتی ہیں توشوق پورا کر لیں حکومت آئینی مدت پوری ہونے سے ایک منٹ بھی پہلے کہیں جانیوالی نہیں ۔ وہ یہاںگور نر ہاﺅس میں تحر یک انصاف کے ایم پی اے سید یاور عباس شاہ ‘پاک پرتگال ایسوسی ایشن کے صدر مجبوب احمد‘ تحریک کشمیر یورپ …
اپوزیشن جماعتیں حکومت مخالف ا ے پی سی بلانا چاہتی ہیں توشوق پورا کر لیں ،گور نر پنجاب چوہدری محمد سرور
لاہور۔28 جون (اے پی پی )گور نر پنجاب چوہدری محمدسرور نے کہا ہے کہ اپوزیشن جماعتیں حکومت مخالف ا ے پی سی بلانا چاہتی ہیں توشوق پورا کر لیں حکومت آئینی مدت پوری ہونے سے ایک منٹ بھی پہلے کہیں جانیوالی نہیں ۔ وہ یہاںگور نر ہاﺅس میں تحر یک انصاف کے ایم پی اے سید یاور عباس شاہ ‘پاک پرتگال ایسوسی ایشن کے صدر مجبوب احمد‘ تحریک کشمیر یورپ کے چوہدری غلام غوث کی قیادت میں ملاقات کر نیوالے وفود سے گفتگو کر رہے تھے جبکہ گور نر پنجاب چوہدری ممدسرور نے اورسیز پاکستانیوں کے وفد کو پاکستان میں پرتگال کے سفارتخانے اور ویزہ سیکشن کی بحالی کا معاملہ وزیر خارجہ کے سامنے اٹھانے کی یقین دہانی بھی کروائی ہے۔ وفود سے گفتگو کے دورا ن گور نر پنجاب چوہدری محمدسرور نے کہا کہ اپوزیشن کی پالیسیاں حکومت کیلئے نہیں خود انکے لیے سیاسی خطرہ ہیں کیونکہ ان کا ایجنڈا عوامی نہیں ذاتی مفادات کا تحفظ ہے جسکو عوام مستر دکرتے ہیں ‘ تحر یک انصاف جب سے اقتدار میں آئی ہے اپوزیشن اب تک درجنوں آل پارٹیز کانفر نس بلا چکی ہے اور اب بھی اگر اپوزیشن اپنے ذاتی مفادات کے تحفظ اور احتساب سے بچاﺅ کیلئے اے پی سی بلا چاہتی ہے توضرور بلا لیں اس کا حشر بھی ماضی کی آل پارٹیز کانفر نس جیسا ہوگا ۔ چوہدری محمدسرور نے کہا کہ ماضی کے حکمرانوں کی کر پشن اور ناقص پالیسیوں کے نتائج آج بھی قوم بھگت رہی ہے ،ملک کو اربوں ڈالرز کا مقر وض کر نیوالی اپوزیشن جماعتوں کو اپنے دور اقتدار کا حساب دینا پڑ یگا قوم انکو کسی صورت معاف نہیں کر ے گی ۔انہوں نے کہا کہ کورونا بحران کی وجہ سے پاکستان کو معاشی چیلنج کا سامنا کر نا پڑ رہا ہے مگر اس کے باوجود وفاقی اور پنجاب حکومت نے عوام کو ٹیکس فری بجٹ دیا ہے اور اب بھی حکومت کی یہ کوشش ہے کہ عوام کو زیادہ سے زیادہ رےلےف دیاجائے ۔گور نر پنجاب نے کہا کہ کورونا کا خطرہ ابھی ٹلا نہیں جولائی میں مزید شدت کا خطر ہ موجود ہے اس لیے عوام کو چاہیے کہ وہ آنیوالے دنوں میں کورونا سے بچاﺅ کیلئے حفاظتی اقدامات کو مزید موثر بنائے اسکے علاوہ کورونا سے بچاﺅ کا کوئی آپشن نہیں ۔انہوں نے کہا کہ اورسیز پاکستانی ملک وقوم کا سر مایہ ہیں انکے مسائل حل کر رہے ہیں،اور سیز کمیشن پنجاب میں اورسیز پاکستانیوں کے مسائل کے حل کیلئے24گھنٹے کام کررہا ہے، بیرون ممالک پھنسے پاکستانیوں کو واپس لانے کیلئے ہنگامی اقدامات کر رہے ہیں۔
