بھارت ،بارشوں کے باعث مکان گرنے سے ایک ہی خاندان کے 6 افراد ہلاک

نئی دہلی۔7اگست (اے پی پی):بھارت کی شمالی ریاست اتر پردیش میں بارشوں کے باعث مکان گرنے سے ایک ہی خاندان کے6 افراد ہلاک ہوگئے جن میں دو شیر خوار بچے اور دو خواتین بھی شامل ہیں۔ شنہوا نے مقامی پولیس کے حوالے سے بتایا کہ یہ واقعہ گزشتہ روز ضلع پرتاپ گڑھ میں اس وقت پیش آیا جب تمام افراد گھر میں سو رہے تھے کہ مکان منہدم ہوگیا جس کے نتیجے میں 6 افراد ملبے تلے دب کر ہلاک ہو گئے۔ پولیس کا کہنا ہے کہ یہ مکان 80 سال سے زائد پرانا تھا اور انتہائی خستہ حالت میں تھا۔ مسلسل بارشوں کے باعث اس کی عمارت کمزور ہو گئی تھی جس کے نتیجے میں یہ حادثہ پیش آیا۔