More

Social Media

Social Media

داؤدی بوہرہ جماعت کے سیفی ہسپتال کی نئی 11 منزلہ کارڈیک ونگ کا افتتاح ،وزیرخزانہ محمداورنگزیب اور وزیراعلی سندھ کی شرکت

داؤدی بوہرہ جماعت کے سیفی ہسپتال کی نئی 11 منزلہ کارڈیک ونگ کا افتتاح ،وزیرخزانہ محمداورنگزیب اور وزیراعلی سندھ کی شرکت

ادب، کتاب اور اہلِ علم و قلم معاشرے کی فکری و اخلاقی تربیت میں بنیادی کردار ادا کرتے ہیں،گورنر سندھ کراچی۔ 29 اگست (اے پی پی):گورنر سندھ سید محمد نہال ہاشمی نے کہا ہے کہ ادب، کتاب اور اہلِ علم و قلم معاشرے کی فکری و اخلاقی تربیت میں بنیادی کردار ادا کرتے ہیں۔ان خیالات کا اظہار انہوں نے ممتاز شاعر و سماجی کارکن مظہر ہانی کے شعری مجموعے غبارِ دل کی تعارفی تقریب سے بحیثیت مہمانِ خصوصی خطاب کرتے ہوئے کیا۔ہفتہ کو گورنر ہائوس سے جاری اعلامیہ کے مطابق گورنر سندھ نے کہا کہ خوشی ہے کہ آج کی تقریب میں ادب اور کتاب کے فروغ کی بات ہو رہی ہے، لوگوں کی خدمات اور صلاحیتوں کا اعتراف ان کی زندگی ہی میں ہونا چاہیے۔ انہوں نے کہا کہ میرے قائد کے ہاں شاعری، ادب، کتاب اور نثر کو ہمیشہ خصوصی اہمیت حاصل رہی ہے۔انہوں نے ممتاز صحافی و دانشور محمود شام اور صاحبِ کتاب مظہر ہانی سے اپنے دیرینہ تعلق کا ذکر کرتے ہوئے کہا کہ مظہر ہانی کے گھر پر ادبی اور سماجی محافل منعقد ہوا کرتی تھیں، جہاں سے انہیں سیاست، ادب اور سماجی خدمت کے حوالے سے بہت کچھ سیکھنے کا موقع ملا۔ انہوں نے کہا کہ مظہر ہانی کی سماجی خدمات سے متاثر ہوکر انہوں نے بھی سماجی کاموں کا آغاز کیا اور سینیٹر جاوید جبار کی این جی او سے وابستہ رہے۔گورنر سندھ نے کہا کہ گورنر ہائوس میں سیرت لائبریری اور تحریکِ پاکستان میوزیم قائم کرنے پر کام جاری ہے، جس کا مقصد نئی نسل کو علم، ادب، تاریخ، سیرتِ طیبہ ۖ اور تحریکِ پاکستان کی جدوجہد سے روشناس کرانا ہے۔انہوں نے کہا کہ پاکستان نے ہمیں زندگی کے ہر شعبے میں آگے بڑھنے کے مواقع فراہم کیے، پاکستان نہ ہوتا تو ہم میں سے کوئی بھی اپنی موجودہ شناخت کے ساتھ موجود نہ ہوتا۔ حالیہ قومی کامیابیوں کا ذکر کرتے ہوئے انہوں نے کہا کہ وزیر اعظم اور فیلڈ مارشل کی قیادت میں جو کامیابیاں حاصل کی گئیں، ان سے دنیا میں پاکستان کے وقار اور عزت میں اضافہ ہوا۔انہوں نے کہا کہ دنیا میں پاکستان کو ایک باوقار اور مزید مضبوط مقام دلانے کے لیے ہمیں اپنے کردار کو بہتر بنانا اور نئی نسل کی کردار سازی پر خصوصی توجہ دینا ہوگی۔ مضبوط کردار کا حامل انسان نہ صرف اپنی ذات بلکہ دوسروں کی مدد اور معاشرے کی بہتری کے لیے بھی اپنا کردار ادا کرتا ہے۔انہوں نے کہا کہ مضبوط کردار ہی مضبوط قوم کی بنیاد بنتا ہے۔تقریب سے اختر سعدی، ڈاکٹر رخسانہ صبا، خالد عرفان، اخلاق احمد، رضوان احمد، ممتاز صحافی و دانشور محمود شام اور صاحبِ کتاب مظہر ہانی نے بھی خطاب کیا۔

مزید خبریں

کراچی۔ 29 اگست (اے پی پی):داؤدی بوہرہ جماعت کے سیفی ہسپتال نے ہفتہ کواپنی نئی 11 منزلہ کارڈیک ونگ (امراضِ قلب کے شعبے) کا افتتاح کر دیا ہے۔ یہ ونگ امراضِ قلب کے علاج کی تمام تر سہولیات کا احاطہ کرتی ہے اور کراچی میں دل کے علاج کی خصوصی دیکھ بھال تک رسائی کو نمایاں طور پر وسعت دیتی ہے۔جاری کردہ پریس ریلیز کے مطابق افتتاحی تقریب میں وفاقی وزیرِ خزانہ سینیٹر محمد اورنگزیب، وزیرِ اعلیٰ سندھ سید مراد علی شاہ،میئرکراچی مرتضیٰ وہاب، سرکاری شخصیات، قونصلر جنرلز، ڈاکٹرز، طبی ماہرین اور کاروباری برادری کے ممتاز ارکان نے شرکت کی۔ عالی قدر ڈاکٹر سیدنا مفضل سیف الدین کے بھائی، شہزادہ قصیٰ وجیہہ الدین نے تقریب کے دوران عالی قدر سیدنا کی نمائندگی کی۔

وزیرِ اعلیٰ نے داؤدی بوہرہ برادری کو جدید اور اعلیٰ معیار کے طبی انفراسٹرکچر سے لیس اس شاندار نئی سہولت کے قیام پر مبارکباد دی۔ انہوں نے کہا کہ سیفی ہسپتال کا کارڈیک ونگ عوام کو دل کے امراض کے لیے اعلیٰ معیار اور جدید علاج تک رسائی فراہم کرے گا۔ صحت کے شعبے میں برادری کی خدمات کو سراہتے ہوئے انہوں نے اس اقدام کو انسانیت کی خدمت کی ایک بہترین مثال قرار دیا۔وفاقی وزیرِ خزانہ محمد اورنگزیب نے معاشرے کے لیے داؤدی بوہرہ برادری کے تعاون کی تعریف کرتے ہوئے اس نئی سہولت کو کراچی کے لیے ایک تحفہ قرار دیا جو آنے والے سالوں میں خاموشی اور مستقل مزاجی سے یہاں کے لوگوں کو فائدہ پہنچائے گا۔

انہوں نے اس طرح کے اقدامات کو خدمت کی سب سے گہری شکلوں میں سے ایک قرار دیا اور اس اعتماد کا اظہار کیا کہ یہ سہولت ملک بھر کے دیگر اداروں کے لیے ایک معیار قائم کرے گی جس سے وہ ترغیب حاصل کر سکیں گے۔شہزادہ قصیٰ وجیہہ الدین نے مہمانوں کو خوش آمدید کہا اورسیدنا مفضل سیف الدین کے اس وژن کو شیئر کیا جس کا مقصد اعلیٰ ترین بین الاقوامی معیار کے مطابق صحت کی سہولیات فراہم کرنا ہے۔

انہوں نے پاکستان کے عوام کی حوصلہ افزائی کی کہ وہ ان سہولیات سے بھرپور فائدہ اٹھائیں اور ملک کی ترقی و بہتری کے لیے اجتماعی طور پر کام کرنے کی اہمیت پر زور دیا۔یہ نیا کارڈیک ونگ 11 منزلہ ایک مقصد کے تحت ڈیزائن کی گئی عمارت ہے جو دل کی دیکھ بھال کا مکمل سلسلہ پیش کرتی ہے، جس میں ہنگامی خدمات (ایمرجنسی ریسپانس)، ماہرین کی مشاورت، جدید ترین تشخیصی ٹیسٹ، انٹروینشنل کارڈیالوجی، کارڈیک سرجری، انتہائی نگہداشت (کریٹیکل کیئر) اور بحالی (ریہابلیٹیشن) شامل ہیں۔

مزید خبریں