دبئی انٹرنیشنل ائر پورٹ کا رواں سال کے پہلے نو مہینوں میں بہترین کارکردگی کا مظاہرہ

دبئی ۔19نومبر (اے پی پی):دبئی انٹرنیشنل ائر پورٹ ’’ڈی ایکس بی‘‘ نے رواں سال کے پہلے نو مہینوں میں بہترین کارکردگی کا مظاہرہ کیا ہے۔ اماراتی خبر رساں ادارے وام کے مطابق ستمبر کے آخر تک’’ڈی ایکس بی‘‘نے 68.6 ملین مسافروں کا خیرمقدم کیا، جو 2023 میں اسی عرصے کے مقابلے میں 6.3 فیصد زیادہ ہے۔2024 کی پہلی ششماہی کی رفتار تیسری سہ ماہی میں بھی جاری رہی، جس کے دوران ’’ڈی ایکس بی‘‘نے 23.7 ملین مسافروں کے لیے خدمات انجام دی ہیں۔

تیسری سہ ماہی میں 111,300 سے زیادہ پروازوں چلائیں گئی، جس سے پہلے 9 مہینوں کے لیے کل پروازوں کی نقل و حرکت (تمام آپریشنز) 327,700 تک پہنچ گئیں ، جو سال بہ سال 6.4 فیصد زیادہ ہے۔ ڈی بی ایکس کو آخری سہ ماہی میں 23.2 ملین مہمانوں کا خیرمقدم کرنے کی توقع ہے، یہ وہ عرصہ ہے جو اعلیٰ براہ راست ٹریفک کے لیے جانا جاتا ہے، جس کی وجہ تہوار کے موسم کے لیے گھر جانے والے تارکین وطن اور متحدہ عرب امارات کے پیک سرمائی کیلنڈر سے لطف اندوز ہونے کے لیے آنے والے سیاح ہیں۔ تیسری سہ ماہی میں 50 فیصد اور پورے سال کے لیے 55 فیصد کے مقابلے میں چوتھی سہ ماہی کے تقریباً 60 فیصد ٹریفک کے براہ راست ہونے کا امکان ہے۔