روس ٹیلر ون ڈے میں 6 ہزار رنز مکمل کرنے والے چوتھے کیویز بلے باز بن گئے

کرائسٹ چرچ ۔ 22 فروری (اے پی پی) نیوزی لینڈ کرکٹ ٹیم کے سابق کپتان اور مایہ ناز بلے باز روس ٹیلر نے ون ڈے کرکٹ میں اپنے کیریئر کے 6 ہزار رنز مکمل کرلئے۔ انہوں نے یہ اعزاز جنوبی افریقہ کے خلاف ون ڈے سیریز کے دوسرے میچ میں حاصل کیا۔ روس ٹیلر ون ڈے میں 6 ہزار رنز مکمل کرنے والے چوتھے کیوی بلے باز بن گئے ہیں، اس سے قبل سٹیفن فلیمنگ، نیتھن ایسٹل اور برینڈن میک کلم بھی یہ کارنامہ انجام دے چکے ہیں۔