سپیکر قومی اسمبلی اسد قیصر کی زیر صدارت قومی اسمبلی کی خصوصی کمیٹی برائے زرعی مصنوعات کی ذیلی کمیٹی کا اجلاس ، ذیلی کمیٹی نے اگلے 7 سالوں کے لئے جامع ساختی اصلاحات پر مبنی زرعی نمو کی حکمت عملی پیش کی

سلام آباد ۔ 12 اگست (اے پی پی) قومی اسمبلی کی خصوصی کمیٹی برائے زرعی مصنوعات کی ذیلی کمیٹی نے اگلے 7 سالوں کے لئے جامع ساختی اصلاحات پر مبنی زرعی نمو کی حکمت عملی پیش کی۔ بدھ کو سپیکر قومی اسمبلی اسد قیصر نے پارلیمنٹ ہاو¿س کمیٹی اجلاس کی صدارت کی۔ سب کمیٹی کی کنوینئر شاندانہ گلزار خان نے کمیٹی کو زراعت میں ترقی کی مجوزہ حکمت عملی کے بارے میں آگاہ کیا۔ قومی اسمبلی سیکرٹریٹ کے مطابق خصوصی کمیٹی کے قیام، قومی اسمبلی میں زراعت سے متعلق خصوصی بحث اور زراعت کے شعبے کو ترقی دینے کے اراکین کی گہری دلچسپی کا ذکر کرتے ہوئے اسد قیصر نے کہا کہ پالیسی اور منصوبہ بندی میں زراعت کے شعبے کو مرکزی حیثیت دینے کے لئے ایک مستحکم اور گہری دلچسپی کا مظاہرہ کرنا ہے۔ ذیلی کمیٹی کی کنوینئر شاندانہ گلزار خان نے پاکستان کے زراعت کے شعبے کے ڈھانچے کا اعداد و شمار پر مبنی اعداد و شمار اور مجوزہ حکمت عملی پیش کی۔ انہوں نے بتایا کہ مجوزہ پروگرام نجی شعبے، صوبوں، ترقیاتی شعبے، قانون سازوں اور ترقی پسند کاشتکاروں سمیت تمام اسٹیک ہولڈرز کے ساتھ جامع مشاورت کے بعد تیار کیا گیا تھا۔ شاندانہ گلزار خان نے بتایا کہ مجوزہ حکمت عملی کا اہم مقصد زرعی برآمدات کو فروغ دینا ، دیہی ترقی سے چلنے والی معاشی نمو کو تیز کرنا ، دیہی علاقوں میں غربت کو کم کرنا ، زرعی شعبے میں مالی اور صنفی شمولیت کو بڑھانا ہے۔ تاریخی اعداد و شمار کی روشنی میں انہوں نے وضاحت کی کہ زرعی شعبے کی متضاد نمو کے نمونوں سے اس شعبے کے لئے پالیسی اور منصوبہ بندی میں مستقل مزاجی کا فقدان ظاہر ہوتا ہے۔ انہوں نے بتایا کہ مجوزہ پروگرام کے نفاذ سے پائیدار انداز میں زراعت کے شعبے کی نمو 5 فیصد سالانہ تک تیز ہوجائے گی۔ انہوں نے مزید کہا کہ مجوزہ ماڈل میں 7.4 ملین چھوٹے کاشتکاورں کے کاروباری ماڈل کی تبدیلی پر توجہ دی گئی ہے جو کل کاشت کی جانے والی اراضی کا 48 فیصد کاشت کرتے ہیں۔ انہوں نے بتایا کہ چھوٹے کسانوں میں اپنے مفادات کے تحفظ کی آگاہی کے فقدان کے، زرعی شعبہ کی کم مالی اعانت ، کم پیداوار ، منقسم مارکیٹ ، مسابقتی منڈیوں تک رسائی نہ ہونا اور اعلی پیداواری لاگت زراعت کے شعبے کو جدید بنانے میں رکاوٹ ہے۔ شاندانہ گلزار خان نے کہا کہ حکمت عملی کے فیز 1 میں ویلیو چین کے نقطہ نظر میں چھوٹے کاشتکاروں کے لئے ایک متبادل ویلیو چین ڈھانچہ نافذ کیا جائے گا تاکہ ان کی فصل کی پیداوار اور دودھ اور گوشت کی پیداوار میں اضافہ ہو ، جس سے زراعت جی ڈی پی کی نمو اور کسانوں کی آمدنی میں اضافہ ہوسکے۔ اگلے مرحلے میں ، جی ڈی پی کی نمو خاص طور پر چھوٹے کاشتکاروں کی زرعی زمین میں اضافے سے ہو گی اور اپنی آمدنی میں مزید اضافہ کرے گا۔ تیسرے مرحلے میں ، چھوٹے کاشتکاروں کو زیادہ قیمت والی فصلوں کی طرف راعب کیا جائے گا۔ ذیلی کمیٹی کے کنوینر نے وضاحت کی کہ اس منصوبے کا مقصد زراعت کے شعبے کو جدید بنانے میں تیزی لانا ہے تاکہ یہ شعبہ معیشت کی مستقل ترقی اور خود انحصاری کے لیے وسائل پیدا کرسکے۔ انہوں نے مزید کہا کہ مجوزہ پروگرام زراعت کے شعبے کے لئے وزیر اعظم کے اقدامات کی تکمیل کرے گا۔ کمیٹی کو بتایا گیا کہ مجوزہ سفارشات میں زرعی قرضوں کے نظام کو بہتر بنانا ، زراعت کی تحقیق کو از سر نو شکل دینا ، زراعت میں توسیع کے نظام کی ڈیجیٹیلائزیشن کرنا ، ٹیکنالوجی کی منتقلی ، کاشتکاروں کے مفادات کے لئے قانون سازی اور کسان تنظیموں کو فروغ دینا شامل ہیں۔ سپیکر نے وزیر برائے قومی فوڈ سکیورٹی اور تحقیق ، سید فخر امام پر زور دیا کہ وہ کمیٹی کے مجوزہ پروگرام کو پیش کرنے کے لئے وزیر اعظم کے ساتھ ایک ملاقات کریں۔ کمیٹی کے ممبروں کی سفارشات پر ، اسپیکر اسد قیصر نے ہدایت کی کہ چھوٹے کسانوں کی زرعی قرضہ جات تک رسائی میں رکاوٹوں کو دور کرنے کے لئے گورنر اسٹیٹ بینک کے ساتھ اجلاس طلب کریں۔ انہوں نے وزارت قومی فوڈ سکیورٹی اور تحقیق اور زرعی مصنوعات سے متعلق خصوصی کمیٹی پر بھی زور دیا کہ وہ صوبائی محکمہ زراعت کے ساتھ ایک اجلاس طلب کرے تاکہ اس بات کو یقینی بنایا جاسکے کہ صوبے اس پروگرام پر عمل درآمد کے لئے آگاہ ہیں۔ انہوں نے سب کمیٹی کو بھی ہدایت کی کہ وہ ریگولیٹری اور قانونی فریم ورک میں ضروری ترمیمات تجویز کریں۔ کمیٹی کے ممبران نے حکمت عملی کی توثیق کی اور اسپیکر قومی اسمبلی کو زرعی شعبہ کی ترقی کیلئے اقدامات لینے پر سراہا۔ سپیکر اسد قیصر اور سب کمیٹی کی کنوینئر شاندانہ گلزار خان نے آئی ایف اے ڈی، اے سی آئی آر، ایف اے او، یو ایس ایڈ اور وفاقی وزیر برائے قومی فوڈ سکیورٹی اور تحقیق سید فخر امام کا اس مرحلہ وار منصوبے کو ترقی دینے میں تعاون کرنے پر ان کا شکریہ ادا کیا۔ اگلے مرحلے میں ، مجوزہ مرحلہ وار منصوبہ وزیر اعظم کو پیش کیا جائے گا۔