سکاٹش پریمیئر شپ، سیکٹک کی فتح میں کیرن ٹیرنی کی شاندار کارکردگی سے فاتحانہ آغاز

گلاسگو ۔4اگست (اے پی پی):سکاٹش پریمیئر شپ کے نئے سیزن کے پہلے ہی میچ میں دفاعی چیمپئن سیلٹک نےحریف ٹیم ڈنڈی کو شکست دے کر اپنے دفاعی سفر کا شاندار آغاز کر دیا ہے۔

بی بی سی کے مطابق دفاعی چیمپئن سیلٹک نےحریف ٹیم ڈنڈی کو سخت مقابلے کے بعد 0-1 گول سے شکست دی۔ اس فتح میں ٹیم کے سٹار لیفٹ بیک کیرن ٹیرنی نے بنیادی اور اہم کردار ادا کیا۔میچ کے دوران 29 سالہ کیرن ٹیرنی نے بہترین کھیل کا مظاہرہ کرتے ہوئے ڈینجرس کراس کے ذریعے بنجامن نیگرین کے لئے گول کا موقع بنایا، جس پر بنجامن نیگرین نے گیند کو نیٹ میں پہنچا کر ٹیم کو کامیابی دلائی۔ کیرن ٹیرنی نے میچ کے دوران سب سے زیادہ 8 کراسز بھیجے، 4 گول کے مواقع پیدا کیے اور ہدف پر 2 شاٹس بھی مارے۔کیرن ٹیرنی گزشتہ سیزن سے ہی شاندار فارم میں ہیں، جہاں انہوں نے دفاعی پوزیشن پر کھیلتے ہوئے 6 گول کیے اور 12 اسسٹ کے ساتھ ٹیم میں سب سے آگے رہے۔ مینیجر مارٹن او نیل اور سابق کپتان سکاٹ براؤن نے ٹیرنی کو ٹیم کی ریڑھ کی ہڈی قرار دیا ہے۔ ہسپانوی کلب اوساسونا کی جانب سے کیرن ٹیرنی کی خرید میں دلچسپی کی اطلاعات سامنے آئی ہیں، تاہم سیلٹک کی انتظامیہ کا کہنا ہے کہ وہ اپنے اس اہم ترین کھلاڑی کو کہیں جانے نہیں دیں گے۔