وفاقی وزیر برائے انسداد منشیات اعظم خان سواتی کا منشیات کی سمگلنگ کے خلاف عالمی دن کے موقع پر پیغام

اسلام آباد ۔ 25 جون (اے پی پی)وفاقی وزیر برائے انسداد منشیات اعظم خان سواتی نے کہا ہے کہ منشیات کے ناجائز استعمال اور غیر قانونی سمگلنگ کے خلاف عالمی دن منانے کا سب سے موزوں طریقہ یہ ہے کہ بدقسمتی سے منشیات کے عادی افراد کے شکار افراد کی مدد کرنے کے ہمارے عزم کی تائید کی جائے۔ منشیات کی سمگلنگ کے خلاف عالمی دن کے موقع پر اپنے ایک پیغام میں وفاقی وزیر نے کہا کہ 26 جون کو منائے جانے والے بین الاقوامی دن پر ہم اس عزم کا اظہار کرتے ہیں کہ ہم منشیات کی لعنت کے خلاف اپنی جدوجہد میں ایک دوسرے کے ساتھ تعاون کریں گے اور منشیات کے خلاف اپنے عوام میں شعور بیدار کریں گے۔ انہوں نے مزید کہا کہ اس دن ہم عہد کرتے ہیں کہ منشیات کی لعنت کو روکنے کےلئے ہم پوری کوشش اور لگن کے ساتھ اپنی کوششیں کریں گے۔ انہوں نے کہا کہ منشیات سے پاک معاشرے کی تعمیر کےلئے وفاق نیز صوبائی حکومتوں، غیر سرکاری تنظیموں، سول سوسائٹی، مذہبی رہنماو¿ں اور میڈیا سمیت تمام اسٹیک ہولڈرز کی جانب سے ٹھوس اقدامات کی ضرورت ہے۔ انہوں نے کہا کہ ہمارے نوجوان جو ہماری آبادی کا سب سے نمایاں اور بااثر حصہ ہیں۔ انہوں نے کہا کہ ہمارے کنبے، ہمارے معاشرے کے ساتھ ساتھ ہماری قوم کے افراد کی حیثیت سے ہمیں یہ یاد رکھنا چاہئے کہ اپنے قریبی اور عزیزوں کو منشیات کی لعنت سے دور رہنے میں مدد کےلئے ہر ممکن کوشش کرنا ہمارے فرائض اور ذمہ داریوں کا حصہ ہے۔ انہوں نے مزید کہا کہ یہ دن ہمیں اس معاشرتی برائی کے خلاف ہاتھ جوڑنے کا پیغام بھی دیتا ہے جو آہستہ آہستہ ہمارے نوجوانوں کو تباہ کررہا ہے۔ وفاقی وزیر نے کہا کہ نارکوٹکس کنٹرول ڈویژن، قانون سازی سے روک تھام اور علاج سے بحالی تک ملک میں منشیات کے کنٹرول کےلئے ذمہ دار سرکاری ادارہ ہے، نے ملک میں اس لعنت پر قابو پانے کےلئے متعدد اقدامات اٹھائے ہیں۔ انہوں نے کہا کہ واضح اسٹریٹجک روڈ میپ کے طور پر کام کرنے کے لئے پانچ سالہ منشیات کے استعمال پر قابو پانے والا ماسٹر پلان مرتب کیا گیا ہے۔ انسداد منشیات کی نئی قومی پالیسی 2019ئ، منشیات کی فراہمی میں کمی، منشیات کی طلب میں کمی اور بین الاقوامی تعاون کے مقاصد پر مبنی ایک تین جہتی حکمت عملی بھی نئے چیلنجوں اور بین الاقوامی ذمہ داریوں کو پورا کرنے کےلئے تیار کی گئی ہے جبکہ منشیات کے کنٹرول سے متعلق ایک بین الایجنسی ٹاسک فورس ہے۔ انہوں نے کہا کہ قانون نافذ کرنے والے اداروں کے دائرہ کار کو بڑھانے کےلئے بھی ایجنسیوں کا قیام عمل میں لایا گیا ہے۔ اعظم خان سواتی نے کہا کہ موجودہ حکومت نے ملک میں منشیات کی اسمگلنگ کے خاتمے اور منشیات کے بہاو¿ کو کم کرنے کےلئے وفاقی، صوبائی اور ضلعی سطح پر ایل ای اے پر متعدد اقدامات شروع کئے ہیں۔ انہوں نے کہا کہ پاکستان بھی تمام فورموں میں شرکت کے ذریعے/ناجائز خطرہ کے خلاف منصوبہ بندی کرنے کے ذریعے بین الاقوامی محاذ پر بہت سرگرم عمل رہا ہے۔ ہم متعدد دوطرفہ اور کثیرجہتی فورموں کے ذریعے علاقائی اور بین الاقوامی تعاون کو بڑھانے کےلئے بھی کوششیں کر رہے ہیں۔