وزیر خارجہ شاہ محمود قریشی کی سانحہ پشاور کے شہدا کے حوالے سے ”یادگاری پوسٹر“ پر دستخط کرنے کے موقع پر گفتگو

اسلام آباد ۔ 12 دسمبر (اے پی پی) وزیر خارجہ شاہ محمود قریشی نے کہا ہے کہ 16 دسمبر سانحہ آرمی پبلک سکول پشاور کے حوالے سے ملک کی تاریخ کاسیاہ ترین دن ہے۔یہ بات انہوں نے بدھ کو یہاں وزارت خارجہ میں 16 دسمبر سانحہ پشاور کے شہدا کے حوالے سے "یادگاری پوسٹر” پر دستخط کے موقع پر کہی۔وزیر خارجہ نے کہا کہ سولہ دسمبر سانحہ آرمی پبلک سکول پشاور کے حوالے سے ملک کی تاریخ کاسیاہ ترین دن ہے، پاکستان نے دہشت گردی کے خلاف بے مثال قربانیاں دی ہیں اور پوری قوم دہشت گردی کے خلاف سیسہ پلائی ہوئی دیوار کی طرح پر عزم ہے۔ وزیر خارجہ مخدوم شاہ محمود قریشی نے سانحہ آرمی پبلک سکول پشاور کے شہدا کے لئے دعا بھی کی۔