پی ایف ایم ایکٹ 2019 کے نفاذ سے وزارتوں کے امور حل ہوں گے، وفاقی وزیر شفقت محمود

اسلام آباد۔31دسمبر (اے پی پی):وفاقی وزیر تعلیم ، پیشہ وارانہ تربیت ، قومی ورثہ اور ثقافت شفقت محمود نے کہا ہے کہ پبلک فنانس مینجمنٹ (پی ایف ایم) ایکٹ 2019 کے نفاذ سے وزارتوں کے بہت سے مالی معاملات حل ہو جائیں گے۔ انہوں نے یہ بات جمعرات کو یہاں ادارہ جاتی اصلاحات سے متعلق کابینہ کی کمیٹی کے اجلاس کی صدارت کرتے ہوئے کہی۔ کمیٹی نے پبلک فنانس مینجمنٹ ایکٹ 2019 پر تفصیلی غور کیا۔ اس ایکٹ کے مطابق ، ہر وزارت /ڈویزن میں ایک چیف فنانس اینڈ اکاؤنٹس آفیسر (سی ایف اے او) ہوگا جو متعلقہ وزارت /ڈویژن کے پرنسپل اکاؤنٹنگ آفیسر کے ماتحت مدد اور کام کرے گا۔ اس ایکٹ سے وزارت / ڈویزن کے پرنسپل اکاؤنٹنگ آفیسر کے مالی اختیارات مضبوط ہوں گے۔ اس ایکٹ کے تحت پہلی بار وزارت داخلہ / ڈویژنوں میں چیف انٹرنل آڈیٹرز (سی آئی اے) متعارف کروائے جائیں گے جو متعلقہ وزارت / ڈویژن کے تمام لین دین کا جائزہ لیں گے۔ بیرونی آڈٹ شروع ہونے سے پہلے وہ کمزوریوں سے متعلق پرنسپل اکاؤنٹنگ آفیسر کو بھی نشاندہی کریں گے۔ سی سی آئی آر کے چیئرمین شفقت محمود نے فنانس ڈویزن کو ہدایت کی کہ وہ اس پبلک فنانس مینجمنٹ ایکٹ 2019 پر تیزی سے عملدرآمد کے لئے جلد سے جلد مشاورتی عمل کو مکمل کریں اور داخلی آڈٹ پالیسی بورڈ تشکیل دیں۔ وزیر شفقت محمود نے ریمارکس دیئے ہیں کہ اس پی ایف ایم ایکٹ 2019 کے نفاذ کے ساتھ ہی ابتدائی مراحل میں متعلقہ وزارتوں کے بہت سے مالی معاملات پر توجہ دی جائے گی اور وزارتوں کی کارکردگی اور گڈ گورننس میں کئی گنا بہتری آئے گی۔ اجلاس میں پی اے پی ایم سے متعلق ایس اے پی ایم ، آڈیٹر جنرل آف پاکستان ، کنٹرولر جنرل اکاؤنٹس ، ڈپٹی چیئرمین پلاننگ کمیشن ، سیکرٹری اسٹیبلشمنٹ ڈویزن ، سیکرٹری خزانہ ڈویزن ، خصوصی سکریٹری کابینہ ڈویزن اور جوائنٹ سکریٹری (ادارہ اصلاحات سیل)وزیر اعظم آفس نے بھی شرکت کی۔ . چیئرپرسن کی جانب سے شکریہ کے نوٹ کے ساتھ اجلاس آئندہ جمعرات تک ملتوی کردیا گیا۔