دولت مشترکہ سیکرٹریٹ اور حکومت پاکستان نے رواں سال کے ای سی اوایس او سی یوتھ فورم کے موقع پرنوجوانوں کا سال مشترکہ مستقبل کے لیے مشترکہ حل کے عنوان سے تقریب

اسلام آباد۔29اپریل (اے پی پی):دولت مشترکہ سیکرٹریٹ اور حکومت پاکستان نے رواں سال کے ای سی اوایس او سی یوتھ فورم کے موقع پرنوجوانوں کا سال مشترکہ مستقبل کے لیے مشترکہ حل کے عنوان سے ایک تقریب کا انعقادکیا۔ تقریب کا مقصد دولت مشترکہ ایجنڈا 2030 کو فروغ دینا اور نوجوانوں کو بااختیار بنانے کے لیے پاکستان کے عزم کو اجاگر کرنا ہے۔

ہفتہ کو جاری بیان کے مطابق 25تا 27 اپریل تک تین روزہ اقوام متحدہ ای سی اوایس او سی یوتھ فورم کےموقع پر، پرائم منسٹر یوتھ پروگرام نے دولت مشترکہ سیکرٹریٹ اور اقوام متحدہ میں پاکستان کے مستقل مشن کے تعاون سے26 اپریل کو ایک تقریب کا اہتمام کیا۔ اس پروگرام میں نوجوان لیڈروں، نوجوانوں کی قیادت والی تنظیموں، سینئر عہدیداروں اور متعلقہ نوجوان وزراء نے شرکت کی تاکہ پائیدار ترقیاتی اہداف 2030 کے ایجنڈے کو تیز کرنے کے لیے مشترکہ حل پر تبادلہ خیال کیا جا سکے۔

دولت مشترکہ کے سربراہان حکومت نے 2023 کو پائیدار اور جامع ترقی کے لیے نوجوانوں کی قیادت میں سرگرمیوں کا سال قرار دیا ہے۔ نوجوانوں کو بااختیار بنانا 2030 کے ایجنڈے کے مکمل نفاذ کی کلید ہے اور 50 سالوں سے امن، جمہوریت اور ترقی کو فروغ دینے کے لیے دولت مشترکہ کے اقدامات کا مرکز رہا ہے۔ ای سی او ایس او سی یوتھ فورم، اقوام متحدہ کی اقتصادی اور سماجی کونسل (ای سی او ایس او سی) کی طرف سے سالانہ بلایا جانے والا ایک پلیٹ فارم، دنیا بھر کے نوجوانوں کو مکالمے میں مشغول ہونے، خیالات کا اشتراک کرنےاور فیصلہ سازی کے عمل میں حصہ ڈالنے کا ایک منفرد موقع فراہم کرتا ہے۔

یہ تقریب نوجوانوں کی ترقی سے متعلق مسائل پر اقوام متحدہ دولت مشترکہ سیکرٹریٹ اور حکومت پاکستان کی مشترکہ کوشش تھی، جس میں نوجوانوں کو درپیش چیلنجوں سے نمٹنے اور تبدیلی کے عنصر کے طور پر اپنی صلاحیتوں کو بروئے کار لانے کے مشترکہ عزم پر زور دیا گیا۔ یہ کامن ویلتھ ایجنڈا 2030 میں بیان کردہ پائیدار ترقی کے اہداف کے حصول کے لیے دولت مشترکہ کے رکن ممالک کے درمیان بہترین طریقوں کے تبادلے، اختراعی حل تلاش کرنے اور تعاون کو فروغ دینے کے لیے ایک پلیٹ فارم کے طور پر کام کرے گا۔دولت مشترکہ کے ایک فعال رکن کے طور پر، پاکستان نوجوانوں کی ترقی کو اولین ترجیح دیتا ہے۔

پاکستان ایک خوشحال اور جامع مستقبل کی تعمیر کے لیے اپنے نوجوانوں پر سرمایہ کاری کی اہمیت کو تسلیم کرتا ہے۔ پرائم منسٹر یوتھ پروگرام نوجوانوں کے لیے تعلیم، روزگار، انٹرپرینیورشپ اور قیادت کے مواقع پیدا کرنے کے لیے نافذ کیا گیا ہے۔ پروگرام کے مجموعی نقطہ نظر کے مثبت نتائج برآمد ہوئے ہیں، جس سے پاکستان کے نوجوانوں کو اپنی پوری صلاحیتوں کو بروئے کار لانے اور ملک کی ترقی میں بامعنی کردار ادا کرنے کے قابل بنایا گیا ہے۔ پروگرام کے مجموعی نقطہ نظر کے مثبت نتائج برآمد ہوئے ہیں، جس سے پاکستان کے نوجوانوں کو اپنی پوری صلاحیتوں کو بروئے کار لانے اور ملک کی ترقی میں بامعنی کردار ادا کرنے کے قابل بنایا گیا ہے۔وزیراعظم یوتھ پروگرام کا مقصد پاکستان کا سب سے قیمتی اثاثہ نوجوانوں کو بااختیار بنانا ہے۔ 2013 میں نواز شریف اور اب شہباز شریف اوروزیر اعظم کی معاون خصوصی برائے امور نوجوانان شزا فاطمہ خواجہ کی قیادت میں، پروگرام نے متعدد اقدامات کے ذریعے نوجوانوں کی مدد کی ہے۔

وزیر اعظم کی یوتھ بزنس اینڈ ایگریکلچر لون سکیم آسان شرائط پر کاروباری قرضوں کے ذریعے نوجوانوں میں انٹرپرینیورشپ کو فروغ دیتی ہے۔ پاکستانی نوجوانوں میں طلب پر مبنی اور روزگار کے قابل ہنر پیدا کرنے کے لیے سکلز ڈیولپمنٹ پروگرام متعدد شعبوں میں مفت کورسز ذریعے ہنر فراہم کرتا ہے۔ سپورٹس ٹیلنٹ ہنٹ اور گرین یوتھ موومنٹ بالترتیب نوجوانوں کو صحت مند سرگرمیوں جیسے کھیلوں اور ماحولیاتی سرگرمیوں میں مشغول کرتے ہیں۔ مزید برآں، نیشنل انوویشن ایوارڈ، ڈیجیٹل یوتھ ڈیولپمنٹ سینٹرز، وزیر اعظم لیپ ٹاپ سکیم، اور نیشنل یوتھ کونسل جیسی مثبت سرگرمیوں میں نوجوانوں کو شامل کرتے ہیں۔

نیشنل انوویشن ایوارڈ پاکستان بھر سے درخواست دہندگان پر زور دیتا ہے کہ وہ اپنے اختراعی خیالات پیش کریں اور 20 لاکھ روپے کے انعامات جیتنے کا موقع حاصل کریں۔ وزیراعظم کی لیپ ٹاپ سکیم نے نوجوانوں کی مدد کے لیے 400,000 سے زائد لیپ ٹاپ تقسیم کیے ہیں اور رواں سال 100,000 لیپ ٹاپ تقسیم کرنے کا ارادہ رکھتے ہیں۔جس میں بلوچستان کی خواتین اور طالبات کے لیے کوٹہ ، ہمارے ملک کا روشن مستقبل نوجوان ذہنوں پر مشتمل نیشنل یوتھ کونسل ہے۔ ان نوجوانوں نے اپنے معاشرے پر بہت زیادہ مثبت اثرات مرتب کیے ہیں،یہ کونسل پورے پاکستان میں نوجوانوں کی ترقی کو فروغ دینے میں مدد کرتی ہے۔

دس سال بعد اس پروگرام کے ملک گیر اثرات بہت واضح ہیں۔پروگرام کے مجموعی نقطہ نظر کے مثبت نتائج برآمد ہوئے ہیں، جس سے پاکستان کے نوجوانوں کو اپنی پوری صلاحیتوں کو بروئے کار لانے کے قابل بنایا گیا ہے۔اس موقع پر اقوام متحدہ میں پاکستان کے مستقل نمائندے منیر اکرم نے کہا کہ پاکستان نوجوانوں کے حوالے سے بہت فعال پالیسی رکھتا ہے جس میں پرائم منسٹر یوتھ پروگرام، نیشنل یوتھ ایمپلائمنٹ پالیسی، گرین یوتھ موومنٹ کلبز شامل ہیں۔ انہوں نے اس امید کا بھی اظہار کیا کہ کامن ویلتھ یوتھ پروگرام پائیدار ترقیاتی اہداف کے حصول اور پیرس اہداف کو فروغ دینے کے لیے تعاون کو فروغ دے گا۔

انہوں نے اس امید کا بھی اظہار کیا کہ نوجوانوں کا سال نوجوانوں کے لیے، خاص طور پر جو مشکل حالات میں رہ رہے ہیں اور ان کا سامنا کر رہے ہیں، کے لیے 2030 کے ایجنڈے پر اپنے خیالات اور نظریات کی نمائندگی اور اظہار کے لیے نئی راہیں تلاش کر سکتا ہے۔دولت مشترکہ سیکرٹریٹ اور حکومت پاکستان ایک نتیجہ خیز بات چیت کی سہولت فراہم کرنے کے لیے پرعزم ہیں جس کے نتیجے میں نوجوانوں کو بااختیار بنانے اور مشترکہ مستقبل کے لیے مشترکہ حل تیار کرنے کے لیے ٹھوس سفارشات اور لائحہ عمل تیار کیا جائیگا۔ تعاون اور علم کے اشتراک کو فروغ دے کر، یہ تقریب پائیدار ترقی کے اہداف کو حاصل کرنے اور ایک زیادہ مساوی اور پائیدار دنیا بنانے کی عالمی کوششوں میں حصہ ڈالے گی۔