لندن۔10اپریل (اے پی پی):انگلش پریمیئر فٹ بال لیگ میں 12اپریل بروز (ہفتہ کو)مزید 5میچوں کا فیصلہ ہوگا۔ ای پی ایل میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔پہلا میچ دفاعی چیمپئن مانچسٹر سٹی اور کرسٹل پیلس کی ٹیموں کے درمیان اتحاد سٹیڈیم،مانچسٹر کے مقام پر کھیلا جائے گا،دوسرا میچ برائٹن اینڈ ہوو البیون اور لیسٹر سٹی کی ٹیموں کے درمیان امریکن ایکسپریس سٹیڈیم، فالمرکے مقام پر کھیلا جائے گا،تیسرے میچ میں ناٹنگھم فارسٹ اور ایورٹن کی ٹیمیں آمنے سامنے ہوں گی اور یہ میچ دی سٹی گرائونڈ ، ناٹنگھم میں کھیلا جائے گا۔
چوتھا میچ سائوتھمپٹن اور آسٹن ولا کی ٹیموں کے درمیان سینٹ میری سٹیڈیم ، سائوتھمپٹن میں کھیلا جائے گاجبکہ 12اپریل بروز ہفتہ کا پانچواں اور آخری میچ آرسنل اور برینٹ فورڈ کی ٹیموں کے درمیان ایمرٹس سٹیڈیم،لندن کے مقام پر کھیلا جائے گا۔انگلش پریمیئر فٹ بال لیگ کے 33 ویں سیزن کا آغاز ہوچکا ہے جو مجموعی طور پر ٹاپ فلائٹ انگلش فٹ بال کا 126واں ایڈیشن ہے۔
ای پی ایل میں شامل 20 ٹیمیں ٹائٹل کے حصو ل کے لئے پنجہ آزمائی کر رہی ہیں جن میں دفاعی چیمپئن مانچسٹر سٹی ،بورن ماؤتھ،آرسنل ،آسٹن ولا ،برینٹ فورڈ، برائٹن اینڈ ہوو البیون ،چیلسی،کرسٹل پیلس،ایورٹن،فلہم،ایپسوچ ٹائون،لیسٹرسٹی ،لیورپول،مانچسٹر یونائیٹڈ ،نیو کیسل ،ناٹنگھم فارسٹ ،ساؤتھمپٹن،ٹوٹنہم ہاٹ پور،ویسٹ ہیم اوروولور ہیمپٹن شامل ہیں۔
Short Link: https://urdu.app.com.pk/urdu/?p=580092
