ریاض۔6مئی (اے پی پی):سعودی عرب میں مشاعر مقدسہ کے ترقیاتی امور کی ذمہ دار کمپنی کدانہ نے وادی منٰی میں پیدل چلنے والے راستوں پر500 سے زائد پھوار والے پنکھے نصب کر د یے ۔ اردو نیوز کے مطابق رائل کمیشن برائے مکہ مکرمہ اور مشاعر مقدسہ کی جانب سے رواں سال مشاعر مقدسہ میں ترقیاتی امور کے تحت ایام حج میں عازمین کو گرمی کی تپش سے محفوظ رکھنے کے لیے خصوصی انتظامات کیے گئے ، کدانہ کمپنی کو ترقیاتی امور کی انجام دہی کی ذمہ داری دی گئی ہے۔
کمپنی کی جانب سے مقررہ منصوبے کے تحت وادی منی میں 35 ہزار مربع میٹر رقبے کو ٹھنڈا رکھنے کے لیے خصوصی انتظامات کے تحت پنکھوں کی تنصیب کی گئی، ترقیاتی امور کے تحت پیدل چلنے والے راستوں پر عازمین حج کی سہولت اور انہیں سورج کی تپش سے محفوظ رکھنے کے لیے سائبان بھی نصب کیے گئے ہیں۔
Short Link: https://urdu.app.com.pk/urdu/?p=593108
