بیلجئیم میں پاکستان کے سفیر رحیم حیات کی واٹرمیل،بوئٹسفورٹ کے میئر ڈیوڈ لیسٹر سے ملاقات

برسلز ۔2ستمبر (اے پی پی):بیلجئیم میں پاکستان کے سفیر رحیم حیات نے واٹرمیل،بوئٹسفورٹ کے میئر ڈیوڈ لیسٹر سے ملاقات کی۔ بیلجئیم میں پاکستانی سفارتخانے کی طرف سے جاری بیان کے مطابق ملاقات میں پاک بیلجئیم تعلقات کو مزید فروغ دینے پر تبادلہ خیال کیا گیا۔ فریقین نے عوامی اور ثقافتی سفارتکاری کے فروغ، پاکستانی کمیونٹی سے روابط اور کمیونٹی انگیجمنٹ کو مضبوط بنانے پر زور دیا۔ اس موقع پر پاکستان کے شاندار سیاحتی امکانات اور تاریخی و ثقافتی ورثے کو اجاگر کرنے کے عزم کا بھی اعادہ کیا گیا۔