محکمہ ایکسائز اینڈ ٹیکسیشن آئی سی سی آئی میں فیسلی ٹیشن ڈیسک قائم کرے گا، آئی سی سی آئی میں ایم ٹیگ کی سہولت فراہم، تاجروں پر دوہرا ٹیکس نہ لگانے کی یقین دہانی

اسلام آباد۔2جنوری (اے پی پی):کاروباری برادری کو سہولت فراہم کرنے اور کاروبار کرنے میں آسانی کو فروغ دینے کی جانب ایک بڑا قدم اٹھاتے ہوئے محکمہ ایکسائز اینڈ ٹیکسیشن اسلام آباد نے اسلام آباد چیمبر آف کامرس اینڈ انڈسٹری میں آئی سی سی آئی کے ممبران اور ان کے اہل خانہ کو موقع پر خدمات فراہم کرنے کے لیے ایک مخصوص فیسلی ٹیشن ڈیسک کے قیام کا اعلان کیا ہے۔جمعہ کے روز اسلام آباد چیمبر آف کامرس کی جانب سے جاری بیان کے مطابق یہ اعلان ڈائریکٹر ایکسائز اینڈ ٹیکسیشن اسلام آباد بلال اعظم نے آئی سی سی آئی میں منعقدہ ایک انٹرایکٹو سیشن کے دوران کیا۔ ان کے ہمراہ مجسٹریٹ علی حسن پیرزادہ اور میر یامین بھی تھے۔بلال اعظم نے شرکاء کو بتایا کہ آئی سی سی آئی میں فیسلی ٹیشن ڈیسک ٹوکن ٹیکس کی ادائیگی، تمباکو لائسنس کی تجدید، پروفیشنل ٹیکس کے معاملات، گاڑیوں کی رجسٹریشن اور ٹرانسفر، رئیل اسٹیٹ ڈیلرز اور موٹر وہیکل ڈیلرز کی رجسٹریشن سے متعلق خدمات ایک ہی چھت کے نیچے فراہم کرے گا۔

انہوں نے مزید کہا کہ جب بھی آئی سی سی آئی فوکل پرسن کی طرف سے رجسٹریشن، ٹرانسفر یا متعلقہ خدمات کی ضرورت والی گاڑیوں کی ایک فہرست فراہم کی جائے گی تو ایکسائز اینڈ ٹیکسیشن ڈیپارٹمنٹ کی ایک موبائل گاڑی آئی سی سی آئی کا دورہ کیا کرے گی۔محکمہ کے ڈیجیٹل تبدیلی کے اقدامات کو اجاگر کرتے ہوئے ڈائریکٹر ایکسائز اینڈ ٹیکسیشن نے بتایا کہ اب تک اسلام آباد میں 6 لاکھ سے زائد گاڑیوں ک ایم ٹیگ جاری کیے جا چکے ہیں۔ انہوں نے کہا کہ محکمہ ایم ٹیگ سروس پوائنٹس کو وفاقی دارالحکومت میں پھیلانے کے لیے پرعزم ہے تاکہ زیادہ سے زیادہ عوامی سہولت کو یقینی بنایا جا سکے۔ اسی جذبے کے تحت، چیمبر کے اراکین اور ان کے اہل خانہ کی سہولت کے لیے آئی سی سی آئی احاطے می ایم ٹیگ کی تنصیب کی سہولت فراہم کی جائے گی۔انہوں نے گاڑی چلانے والوں کی حوصلہ افزائی کی کہ وہ ایم ٹیگز حاصل کریں اور محکمہ کے ساتھ ذمہ دار شہری کی حیثیت سے تعاون کریں تاکہ اسلام آباد کو ایک محفوظ، منظم اور محفوظ شہر بنانے میں مدد ملے۔

انہوں نے یہ بھی اعلان کیا کہ متعلقہ ٹریڈرز ویلفیئر ایسوسی ایشن کے صدور کے مطالبے پر موبائل ایکسائز سروس گاڑیاں کمرشل مارکیٹوں میں تعینات کی جا سکتی ہیں۔بلال اعظم نے کاروباری برادری کو واضح طور پر یقین دلایا کہ کوئی دوہرا ٹیکس نہیں لگایا جائے گا، واضح کیا کہ محکمہ ایکسائز اینڈ ٹیکسیشن اور کیپٹل ڈویلپمنٹ اتھارٹی (سی ڈی اے) اپنے اپنے ڈومینز میں ٹیکس وصول کریں گے۔ انہوں نے رئیل اسٹیٹ ڈیلرز کو کارڈز کے اجراء کی بحالی کا بھی اعلان کیا، جس کا سیکٹر کی جانب سے طویل عرصے سے مطالبہ کیا جا رہا تھا۔ڈائریکٹر نے مزید کہا کہ آٹومیشن اور ریئل ٹائم سسٹم کی اپ گریڈیشن کے ذریعے، ڈیپارٹمنٹ نے خدمات کی فراہمی میں نمایاں اضافہ کیا ہے، جس سے 21.3 بلین روپے کا ریونیو اکٹھا ہوا ہے۔قبل ازیں اپنے خطبہ استقبالیہ میں آئی سی سی آئی کے صدر سردار طاہر محمود نے کاروبار میں آسانی کی وکالت میں آئی سی سی آئی کے فعال کردار پر روشنی ڈالی۔ انہوں نے ایکسائز اینڈ ٹیکسیشن ڈیپارٹمنٹ کی جانب سے پہلے سے فراہم کی جانے والی سہولت کو سراہا

خاص طور پر ایم ٹیگ کے اجراء، ٹوکن ٹیکس کی ادائیگی، گاڑیوں کی رجسٹریشن اور منتقلی، اور رئیل اسٹیٹ ڈیلرز کے لیے کارڈ کے اجراء کی بحالی کے اقدامات کی تعریف کی ۔ انہوں نے آئی سی سی آئی میں ایکسائز اینڈ ٹیکسیشن ڈیسک کے قیام کا پرزور مطالبہ کیا جس کا محکمے نے پرتپاک خیرمقدم کیا۔آئی سی سی آئی کے سینئر نائب صدر طاہر ایوب، نائب صدر عرفان چوہدری، ایگزیکٹو کمیٹی کے اراکین ذوالقرنین عباسی، وسیم چوہدری، چیئر مین آئی سی سی آئی قائمہ کمیٹی برائے انتظامیہ راجہ عبدالمجید اور ممتاز تاجر رہنمائوں یوسف راجپوت، خالد چوہدری، اسرار مشوانی ،چوہدری ارشد اور شاہد عباسی کے علاوہ بڑی تعداد میں سوالات میں شریک ہوئے۔